കൊടുവള്ളി: പാതയോരത്തുകൂടെ നടന്നുപോകുകയായിരുന്ന സ്ത്രീകളുടെ കൈയില്‍ നിന്ന് ബാഗ് തട്ടിപ്പറിച്ചു കടന്നുകളയാന്‍ ശ്രമിച്ച നാലംഗ സംഘത്തെ നാട്ടുകാര്‍ പിടികൂടി പൊലിസില്‍ ഏല്‍പ്പിച്ചു. ശനിയാഴ്ച്ച ഉച്ചയ്ക്ക് ഒന്നിനാണു സംഭവം.
കൊടുവള്ളി നെല്ലാങ്കണ്ടിയില്‍ റോഡരികിലൂടെ നടന്നുപോവുകയായിരുന്ന സ്ത്രീയുടെ ബാഗ് തട്ടിപ്പറിച്ച സംഘം കാറില്‍ കടന്നുകളയുകയായിരുന്നു. തുടര്‍ന്ന്, വൈകിട്ടു നാലോടെ താമരശ്ശേരി-കൊയിലാണ്ടി റോഡില്‍ പൂനൂര്‍ ചാലക്കരയില്‍ മറ്റൊരു സ്ത്രീയുടെ ബാഗ് തട്ടിപ്പറിച്ചു കടന്നുകളയാനുള്ള ശ്രമത്തിനിടെയാണു സംഘത്തെ നാട്ടുകാര്‍ പിടികൂടി താമരശ്ശേരി പൊലിസില്‍ ഏല്‍പ്പിച്ചത്.