വെങ്ങപ്പള്ളി: കേരളത്തില്‍ രൂപീകൃതമായ മത സംഘടനായ സമസ്തയെ ലോകത്ത് തന്നെ അറിയപ്പെട്ട പ്രസ്ഥാനമായി വളര്‍ത്തിയതില്‍ ശംസുല്‍ ഉലമയുടെ ദീര്‍ഘ വീക്ഷണവും കാഴ്ചപ്പാടുകളും പലിയ പങ്കാണ് വഹിച്ചതെന്ന് സമസ്ത കേരളാ ഇസ്‌ലാം മത വിദ്യഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുള്ള മുസ്്‌ലിയാര്‍ പറഞ്ഞു.
വെങ്ങപ്പള്ളി ശംസുല്‍ ഉലമാ ഇസ്‌ലാമിക് അക്കാദമിയില്‍ ശംസുല്‍ ഉലമാ അനുസ്മരണത്തോടനുബന്ധിച്ച് നടന്ന പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
എസ്.എം.എഫ് ജില്ലാ പ്രസിഡന്റ് പിണങ്ങോട് അബൂബക്കര്‍ അധ്യക്ഷനായി. സമസ്ത മാനേജര്‍ മോയിന്‍ കുട്ടി മാസ്റ്റര്‍ മുഖ്യപ്രഭാഷണം നടത്തി.
വഖഫ് ബോര്‍ഡംഗം എം.സി മായിന്‍ ഹാജി, എസ്.വൈ.എസ് സംസ്ഥാന സെക്രട്ടറി പുത്തനഴി മോയ്തീന്‍ ഫൈസി, വി.കെ കുഞ്ഞമ്മദ് ഹാജി, കാളാവ് സൈതലവി മുസ്‌ലിയാര്‍, സമസ്ത ജില്ലാ സെക്രട്ടറി എസ് മുഹമ്മദ് ദാരിമി, എസ്.എം.എഫ് സെക്രട്ടറി ഉസ്മാന്‍ കാഞ്ഞായി, എസ്.കെ.എസ്.എസ്.എഫ് ജില്ലാ പ്രസിഡന്റ് മൊയതീന്‍ കുട്ടി യമാനി, ബാംഗ്ലൂര്‍ മലബാര്‍ മുസ്‌ലിം അസോസിയേഷന്‍ ഭാരവാഹികളായ മുനീര്‍ പെരിങ്ങത്തൂര്‍, ഹാരിസ്, കെ.എ നാസര്‍ മൗലവി, കാസിം ദാരിമി പന്തിപ്പൊയില്‍, പനന്തറ മുഹമ്മദ്, കെ.എച്ച് കോട്ടപ്പുഴ സംബന്ധിച്ചു. ഇബ്‌റാഹിം ഫൈസി പേരാല്‍ സ്വാഗതവും എ.കെ സുലൈമാന്‍ മൗലവി നന്ദിയും പറഞ്ഞു.