പട്ടിക്കാട്: അറിവിന്റെ ആദ്യാക്ഷരങ്ങള്‍ പകര്‍ന്നുതന്ന മാതൃവിദ്യാലയം സൗന്ദര്യവല്‍ക്കരിച്ച് പൂര്‍വവിദ്യാര്‍ഥികളുടെ മാതൃക. പട്ടിക്കാട് ഗവ.എല്‍.പി സ്‌കൂളിലെ പൂര്‍വവിദ്യാര്‍ഥികളുടെ വാട്ട്‌സ്ആപ്പ് കൂട്ടായ്മയാണ് വേറിട്ട പ്രവര്‍ത്തനവുമായി രംഗത്തെത്തിയത്. പുതിയ അധ്യായന വര്‍ഷാരംഭത്തില്‍  സ്‌കൂള്‍ മോഡി കൂട്ടുന്നതിന്റെ ഭാഗമായിട്ടായിരുന്നു പരിപാടി. പി.ടി.എ പ്രസിഡന്റ് മുഹമ്മദ് അശ്‌റഫിന്റെ നേതൃത്വത്തിലുള്ള വാട്‌സ്ആപ്പ് കൂട്ടായ്മയിലൂടെ സമാഹരിച്ച ഒന്നേകാല്‍ ലക്ഷം രൂപ ചെലവഴിച്ച് സ്‌കൂളിന്റെ ചുമരുകള്‍ വൈവിധ്യമാര്‍ന്ന ചിത്രങ്ങളും വര്‍ണങ്ങളും കൊണ്ടു അലങ്കരിക്കുകയുമായിരുന്നു. പൂര്‍വവിദ്യാര്‍ഥികളായ കെ.പി ഷാജി, നടുത്തൊടി ലത്വീഫ് എന്നിവര്‍ തന്നെയാണ് അലങ്കാരപ്പണികള്‍ക്കും നേതൃത്വം നല്‍കിയത്.