തളിപ്പറമ്പ്: ബൈക്കുമായി കൂട്ടിയിടിച്ച് നിര്‍ത്താതെ പോയ വാഹനം തളിപ്പറമ്പ് പൊലിസ് കസ്റ്റസിലെടുത്തു. കഴിഞ്ഞ ബുധനാഴ്ച രാത്രി 8.30ഓടെ ബക്കളം ബാറിന് മുന്നില്‍ വച്ച് നടന്ന അപകടത്തില്‍ ബൈക്ക് യാത്രികനായ യുവാവ് മരണമടയുകയും ബൈക്ക് ഓടിച്ചിരുന്ന സുഹൃത്തിന് പരുക്കേല്‍ക്കുകയും ചെയ്തിരുന്നു. അപകടമുണ്ടാക്കി നിര്‍ത്താതെ പോയ കാര്‍ കണ്ടെത്തുന്നതിന് ശ്രമങ്ങള്‍ നടന്നുവരുന്നതിനിടയില്‍ അപകടത്തില്‍ പരുക്കേറ്റ് ചികിത്സയിലായിരുന്ന ഞാറ്റുവയല്‍ റഹ്മത്ത് നഗറിലെ കൊങ്ങായിരവിട മുസമ്മില്‍ (22) മരിച്ചു.
ഇതിനെ തുടര്‍ന്ന് തളിപ്പറമ്പ് എസ്.ഐ പ്രശോഭിന്റെയും എ.എസ്.ഐ രാജേഷിന്റെയും നേതൃത്വത്തില്‍ നടത്തിയ അന്വേഷണത്തിലാണ് പ്ലാത്തോട്ടം കള്ള് ഷാപ്പിനു സമീപത്തെ പറമ്പില്‍നിന്ന് കാര്‍ കണ്ടെത്തിയത്. കുറ്റിക്കോല്‍ കുറുക്കന്‍ മൊട്ട സ്വദേശിയും കണ്ണൂര്‍ വിദ്യാഭ്യാസ ഓഫിസിലെ ജീവനക്കാരനുമായ ദിനേശ് ബാബുവിന്റെ ഉടമസ്ഥതയിലുള്ള കാറാണ് പൊലിസ് കസ്റ്റഡിയിലെടുത്തത്. ദിനേഷ് ബാബു ഒളിവിലാണ്.