മുംബൈ: പണ്ഡിറ്റ് രവിശങ്കറിന്റെ മുന്‍ ഭാര്യയും പ്രശസ്ത സംഗീതജ്ഞയുമായ അന്നപൂര്‍ണ ദേവി അന്തരിച്ചു. മുംബൈയിലെ ബ്രീച്ച് കാന്‍ഡി ആശുപത്രിയില്‍ ഇന്നലെ പുലര്‍ച്ചെ 3.51നായിരുന്നു അന്ത്യം. 91 വയസായിരുന്നു. ഇന്ത്യയിലെ പ്രശസ്തയായ സുര്‍ബഹാര്‍ വാദകയും ഹിന്ദുസ്ഥാനി ശാസ്ത്രീയ വിദുഷിയുമാണ് അന്നപൂര്‍ണദേവി. 1927 ഏപ്രില്‍ 23ന് ഉസ്താദ് അലാവുദ്ദീന്‍ ഖാന്റെ മകളായി മധ്യപ്രദേശിലെ മെയ്ഹാറിലാണ് ജനനം. പതിനാലാം വയസില്‍ മതംമാറി ഹിന്ദുവായി. പിന്നീട് ഇരുവരും വേര്‍പിരിഞ്ഞു. 1977ല്‍ പത്മഭൂഷണ്‍ പുരസ്‌കാരവും 1991ല്‍ കേന്ദ്ര സംഗീത നാടക അക്കാദമി അവാര്‍ഡും ലഭിച്ചു. 1999ല്‍ വിശ്വഭാരതി സര്‍വകലാശാല ഓണററി ഡോക്ടറേറ്റ് നല്‍കിയും അന്നപൂര്‍ണ ദേവിയെ ആദരിച്ചിട്ടുണ്ട്.
ലോകപ്രശസ്ത സംഗീതജ്ഞന്‍ ഉസ്താദ് അലി അക്ബര്‍ ഖാന്‍ സഹോദരനാണ്.