വയനാട്: കനത്ത മഴ തുടരുന്ന സാഹചര്യത്തില്‍ വയനാട് ബാണാസുര ഡാമില്‍ വെള്ളത്തില്‍ അളവ് ഉയരുകയാണെന്നും ഇനിയും വര്‍ധിക്കുകയാണെങ്കില്‍ ഡാം തുറന്നുവിടേണ്ടി വരുമെന്നും കെ.എസ്.ഇ.ബി. ഡാമില്‍ ഇപ്പോള്‍ 733 അടി വെള്ളമാണുള്ളത്. 775 അടിയാണ് ഡാമിന്റെ സംഭരണ ശേഷി.

ഇനിയും വെള്ളം ഉയരുകയാണെങ്കില്‍ ഇന്നോ നാളെയോ ഡാം തുറക്കുമെന്ന് കെ.എസ്.ഇ.ബി ചെയര്‍മാന്‍ എന്‍.എസ് പിള്ള അറിയിച്ചു. വയനാട്ടിലെ നിലവിലെ സാഹചര്യത്തില്‍ ഡാം തുറന്നുവിടുന്നത് പ്രശ്‌നം കൂടുതല്‍ രൂക്ഷമാക്കുമെങ്കിലും ഡാമിന്റെ സുരക്ഷയാണ് പ്രധാനമെന്ന് അദ്ദേഹം പറഞ്ഞു. ഇപ്പോഴുള്ള അതേ അവസ്ഥയില്‍ നീരൊഴുക്ക് തുടരുകയാണെങ്കില്‍ നാളെ രാവിലെയോടെ തന്നെ എപ്പോള്‍ വേണമെങ്കിലും അണക്കെട്ട് തുറക്കാം. സമീപ പ്രദേശങ്ങളിലുള്ളവര്‍ ജാഗ്രത പുലര്‍ത്തണമെന്നും അദ്ദേഹം കൂട്ടിച്ചേര്‍ത്തു.

മുഖ്യമന്ത്രി വൈകീട്ട് നടത്തിയ വാര്‍ത്താസമ്മേളനത്തിലും വയനാട് സ്ഥിതി അതീവ ഗുരുതരമാണെന്ന് പറഞ്ഞിരുന്നു. ബാണാസുര ഡാം തുറക്കേണ്ടി വരുമെന്ന സൂചനയും അദ്ദേഹം നല്‍കി.