കാഞ്ഞങ്ങാട്: തിരക്കേറിയ കാഞ്ഞങ്ങാട്-കോട്ടച്ചേരി ട്രാഫിക്ക് സര്‍ക്കിളില്‍ കെ.എസ്.ടി.പി പാത നവീകരണത്തിലേര്‍പ്പെട്ട ഒരു വാഹനത്തിന്റെ പെട്രോള്‍ ടാങ്ക് പൊട്ടി ഇന്ധനം പരന്നൊഴുകി. ഇരുചക്രവാഹനങ്ങള്‍ തെന്നിവീണു മൂന്നു പേര്‍ക്ക് പരുക്കേറ്റു. ഒരു കുടുംബം സഞ്ചരിച്ച ബൈക്കിലെയും പലഹാര വിതരണം നടത്തിവന്നിരുന്ന മറ്റൊരു ബൈക്കിലേയും യാത്രക്കാര്‍ക്കാണ് പരുക്കു പറ്റിയത്. ഇന്നലെ രാവിലെ അഞ്ചു മണിക്കാണ് സംഭവം. അപകടം മുന്നില്‍ കണ്ട നാട്ടുകാര്‍ പൂഴി വിതറി വഴുക്കല്‍ ഒഴിവാക്കാന്‍ ശ്രമിച്ചിട്ടും ഫലമുണ്ടായില്ല.
പൊലിസും അഗ്നിശമനസേനയുമെത്തി റോഡു കഴുകി വൃത്തിയാക്കി ശേഷമാണ് വാഹനങ്ങള്‍ കടത്തി വിട്ടത് .