തിരുവനന്തപുരം: ശബരിമലയില്‍ വരുമെന്ന തൃപ്തി ദേശായിയുടെ പ്രഖ്യാപനം സംഘര്‍ഷമുണ്ടാക്കാനെന്ന് ബി.ജെ.പി വക്താവ് എം.എസ് കുമാര്‍ വാര്‍ത്താസമ്മേളനത്തില്‍ പറഞ്ഞു. 10നും 50നും ഇടയില്‍ പ്രായമുള്ള കേരളത്തിലെ ഒരു സ്ത്രീയും ശബരിമലയില്‍ പോകില്ല. അതിനാലാണ് തൃപ്തി ദേശായിയെ കൊണ്ടുവരാനും സംഘര്‍ഷമുണ്ടാക്കാനും ശ്രമിക്കുന്നത്.ആരുടെയോ പ്രേരണ ഇതിനു പിന്നിലുണ്ട്. എത്ര പ്രകോപനമുണ്ടായാലും ശബരിമലയില്‍ സംഘര്‍ഷമുണ്ടാകാതിരിക്കാന്‍ ബി.ജെ.പി ശ്രമിക്കും. ഇതിനായി ബി.ജെ.പിയുടെ നാല് ജനറല്‍ സെക്രട്ടറിമാരെയും പമ്പയിലും സന്നിധാനത്തും നിര്‍ത്തും. ബി.ജെ.പി നടത്തുന്ന നാമജപയാത്ര ഇന്ന് സെക്രട്ടേറിയറ്റ് നടയില്‍ സമാപിക്കുമെന്നും അദ്ദേഹം പറഞ്ഞു.