തൃശൂര്‍: മീ ടൂ കാംപയിനില്‍ ഫേസ് ബുക്ക് പോസ്റ്റിലൂടെ തന്റെ ദുരനുഭവം പങ്കുവെച്ച് മലയാളത്തിലെ വനിതാ അസിസ്റ്റന്റ് ഡയരക്ടര്‍ അനുചന്ദ്ര.
20ാം വയസില്‍ സിനിമ മേഖലയിലേക്ക് ആദ്യമായി കടന്നുചെന്നപ്പോള്‍ തനിക്കുണ്ടായ ദുരനുഭവമാണ് അവര്‍ ഫേസ് ബുക്ക് പോസ്റ്റിലൂടെ വെളിപ്പെടുത്തിയത്. സ്ത്രീ സാന്നിധ്യം നന്നേ കുറഞ്ഞ മേഖലയാണ് സിനിമയെന്നും 'പോക്ക് കേസ് ' എന്ന ഗണത്തിലാണ് സ്ത്രീകള്‍ പലപ്പോഴും നിര്‍വചിക്കപ്പെടുന്നതെന്നും പോസ്റ്റില്‍ പറയുന്നു. ഒരു വര്‍ക്കിന് ചെന്ന സമയത്ത് ചിത്രത്തിന്റെ അസോസിയേറ്റ്, ഇന്ന് രാത്രി ഇവിടെ കൂടെ കിടക്കൂവെന്ന് തന്നോട് പറഞ്ഞതായും അവര്‍ വെളിപ്പെടുത്തുന്നു. അമര്‍ഷത്തോടെ മുറിയുടെ വാതില്‍ വലിച്ചടച്ച് ഇറങ്ങിപോയ ശേഷം രണ്ടുവര്‍ഷത്തോളം അയാളുടെ ചോദ്യത്തിന്റെ അസ്വസ്ഥത തികട്ടിവരികയും മറ്റൊരു വര്‍ക്കിലേക്ക് പോകുവാന്‍ ധൈര്യപ്പെടാനാവാതിരിക്കുകയും ചെയ്തുവെന്നും പോസ്റ്റില്‍ പറയുന്നു.്