മണ്ണഞ്ചേരി: പി.സി.ബാലകൃഷ്ണപിള്ള മെമ്മോറിയല്‍ എഡ്യുക്കേഷണല്‍ ഫൗണ്ടേഷന്റെ നേതൃത്വത്തില്‍ മണ്ണഞ്ചേരി ഗവ.ഹൈസ്‌കൂളില്‍ വെച്ച് എല്‍ ഡി സി മാതൃകാപരീക്ഷയും സ്‌കോളര്‍ഷിപ്പ് വിതരണവും നടന്നു.
ഷിഹാബ് നൈയുടെ അദ്ധ്യക്ഷതയില്‍ നടന്ന സമ്മേളനത്തില്‍ മുന്‍ ഉപ വിദ്യാഭ്യാസ ഡയറക്ടര്‍ വി.അശോകന്‍ ഉത്ഘാടനം ചെയ്തു. മണ്ണഞ്ചേരിയിലെയും കലവൂര്‍ ഗവ.ഹൈസ്‌കൂളിലെയും 10-ാം തരത്തില്‍ പഠിക്കുന്ന മികച്ച ഓരോ കുട്ടികളെയാണ് സ്‌കോളര്‍ഷിപ്പിനായി തിരഞ്ഞെടുത്തത്. മണ്ണഞ്ചേരി ഗവ.ഹൈസ്‌കൂളില്‍ ഇത്തവണ പത്താം തരത്തില്‍ നിന്നും എല്ലാ വിഷയത്തിനും എ പ്ലസ് നേടിയ കുട്ടികളെ മണ്ണഞ്ചേരി പഞ്ചായത്ത് പ്രസിഡന്റ് തങ്കമണി ഗോപിനാഥ് അനുമോദിച്ചു. തുടര്‍ന്ന് രണ്ട് ദിവസങ്ങളിലായി നടന്ന എല്‍ ഡി സി മാതൃകപരീക്ഷയില്‍ ഉന്നത വിജയം കരസ്ഥമാക്കിയ കുട്ടികളെ പി എസ് സന്തോഷ് കുമാര്‍ അനുമോദിച്ചു.
വൃക്ഷതൈ വിതരണത്തിന്റെ ഉത്ഘാടനം എ.ഐ.വൈ.എഫ്. ജില്ലാ സെക്രട്ടറി റ്റി.റ്റി.ജിസ്‌മോന്‍ നിര്‍വ്വഹിച്ചു. ഡി.ഹര്‍ഷകുമാര്‍, ദീപ്തി അജയകുമാര്‍, കെ.ഡി. വേണു, ആസിഫ് റഹീം, സി.എച്ച് റഷീദ്, എന്നിവര്‍ സംസാരിച്ചു. എ.അനീഷ് സ്വാഗതം ആശംസിച്ചു ശ്യാം നന്ദിയും പറഞ്ഞു.