മേപ്പാടി : കനത്ത ഉരുള്‍പൊട്ടല്‍ നാശം വിതച്ച വയനാട്ടിലെ മേപ്പാടിയില്‍ ദുരിതാശ്വാസ ക്യമ്പ് മുഖ്യമന്ത്രി പിണറായി വിജയന്‍ സന്ദര്‍ശിച്ചു.മേപ്പാടിയിലെ ക്യാമ്പുകള്‍ സന്ദര്‍ശിച്ച ശേഷം 12 മണിയോടെ കലക്ടറേറ്റില്‍ നടക്കുന്ന അവലോകന യോഗത്തില്‍ മുഖ്യമന്ത്രി പങ്കെടുത്ത് കാര്യങ്ങള്‍ വിലയിരുത്തും. രാവിലെ വിമാനമാര്‍ഗം കരിപ്പൂരിലെത്തിയ മുഖ്യമന്ത്രി ഹെലികോപ്ടറിലാണ് വയനാട്ടിലേക്കെത്തിയത്.

ഉച്ചയോടെ മലപ്പുറത്തെ കവളപ്പാറയിലെ ഭൂദാനത്തെ ദുരിതാശ്വാസ ക്യാമ്പ് മുഖ്യമന്ത്രി സന്ദര്‍ശിക്കും.. മുഖ്യമന്ത്രി ആദ്യമായാണ് ദുരിതബാധിത പ്രദേശങ്ങള്‍ സന്ദര്‍ശിക്കാനെത്തുന്നത്. കേരളത്തില്‍ ഏറ്റവും കൂടുതല്‍ നാശനഷ്ടങ്ങള്‍ സംഭവിച്ച സ്ഥലങ്ങളാണ് വയനാട്ടിലെ മേപ്പാടിയും മലപ്പുറത്തെ കവളപ്പാറയും.