മാനന്തവാടി: കണ്ണൂര്‍ സര്‍വകലാശാല മാനന്തവാടി ക്യാംപസ് ടീച്ചര്‍ എജുക്കേഷന്‍ സെന്ററില്‍ അക്കാദമിക് രംഗത്ത് മികവ് പുലര്‍ത്തുന്ന വിദ്യാര്‍ഥികളെ പ്രോത്സാഹിപ്പിക്കുന്നതിനായി ഇന്റേണല്‍ ക്വാളിറ്റി അഷ്വറന്‍സ് സെല്ലിന്റെ ആഭിമുഖ്യത്തില്‍ മികവുത്സവം സംഘടിപ്പിച്ചു.
ബി.എഡ് പരീക്ഷയില്‍ ഉന്നത വിജയം നേടിയ വിദ്യാര്‍ഥിയെയും നെറ്റ്, കെ.ടെറ്റ് തുടങ്ങിയ അധ്യാപക യോഗ്യതാ പരീക്ഷകളില്‍ വിജയം നേടിയ വിദ്യാര്‍ഥികളെയും ചടങ്ങില്‍ അനുമോദിച്ചു.
മികവുത്സവം കണ്ണൂര്‍ സര്‍വകലാശാല സിണ്ടിക്കേറ്റ് അംഗം ടി.പി അഷ്‌റഫ് ഉദ്ഘാടനം ചെയ്തു. 2017-19 ബാച്ചിലെ 31 വിദ്യാര്‍ഥികള്‍ ജൂണില്‍ നടന്ന കെ ടെറ്റ് പരീക്ഷയില്‍ വിജയം നേടിയിരുന്നു. കോഴ്‌സ് ഡയരക്ടര്‍ എ. സജിത്ത് അധ്യക്ഷനായി.
രക്ഷാകര്‍ത്തൃ പ്രതിനിധി വി. മൂസ, അമല മരിയ ചാക്കോ, അന്നമ്മ ജോബ്, ദീപു ആന്റണി സംസാരിച്ചു.
രേഷ്മ ബാലകൃഷ്ണന്‍ സ്വാഗതവും പി.കെ അഞ്ജലി ശ്രീനിവാസ് നന്ദിയും പറഞ്ഞു.