മഞ്ചേരി: മഞ്ചേരിയിലെ ഓട്ടോ തൊഴിലാളികളുടെ ഇന്നത്തെ വേതനം മഞ്ചേരി സി.എച്ച് സെന്ററിന് നല്‍കും. മഞ്ചേരി ഗവ.മെഡിക്കല്‍ കോളജിനോടനുബന്ധിച്ച് പ്രവര്‍ത്തിക്കുന്ന സി.എച്ച് സെന്ററില്‍ സൗജന്യമായി ഡയാലിസിസ്, കുറഞ്ഞ നിരക്കില്‍ ലാബ് പരിശോധന, മരുന്ന് എന്നിവ നല്‍കുന്നുണ്ട്. നിരവധി രോഗികള്‍ക്ക് സാന്ത്വനം പകരുന്ന സി.എച്ച് സെന്ററിന്റെ പ്രവര്‍ത്തനങ്ങള്‍ക്ക് കൈത്താങ്ങാകുകയാണ് ലക്ഷ്യമെന്ന് ഓട്ടോ തൊഴിലാളികള്‍ പറഞ്ഞു.
മഞ്ചേരിയിലെ മുഴുവന്‍ ഓട്ടോ തൊഴിലാളികളും കാരുണ്യവഴിയില്‍ സര്‍വിസ് നടത്തും. ഒരു ദിവസത്തെ കളക്ഷന്‍ സംഭാവന നല്‍കുന്ന ഓട്ടത്തിന്റെ ഫഌഗ് ഓഫ് കര്‍മം സംസ്ഥാന ഡയറക്ടര്‍ ഓഫ് പ്രോസിക്യഷന്‍ അഡ്വ. ശ്രീധരന്‍ നായര്‍ നിര്‍വഹിച്ചു. സൈനുദ്ദീന്‍, അഡ്വ.മുര്‍ഷിദ് , ദേവദാസ്, ഹാരിസ്, ബീരാന്‍ കുട്ടി , മുസ്തഫ മുള്ളമ്പാറ, ഉസ്മാന്‍ പുല്ലൂര്‍, മുഹമ്മദ് ഹാജി കാരക്കുന്ന്, ഫൈസല്‍, ഹംസ, നിസാര്‍, സുലൈമാന്‍, മുഹമ്മദ് പത്തിരിയാല്‍ എന്നിവര്‍ പങ്കടുത്തു.