തിരുവനന്തപുരം: ദേശീയ സൈക്ലിങ് താരം തേജാലക്ഷ്മിക്ക് സ്‌പോര്‍ട്‌സ് സൈക്കിള്‍ വാങ്ങുന്നതിന് പട്ടികജാതി വികസന വകുപ്പ് അഞ്ച് ലക്ഷം രൂപ അനുവദിച്ചു. വിവിധ ദേശീയ മത്സങ്ങളില്‍ കേരളത്തെ പ്രതിനിധാനം ചെയ്ത് സമ്മാനം വാങ്ങിയിട്ടുള്ള തേജാലക്ഷ്മിക്ക് വിലപിടിപ്പുള്ള സൈക്കിള്‍ സ്വന്തമായി വാങ്ങാന്‍ സാമ്പത്തിക ശേഷിയില്ലായിരുന്നു.
സഹായം വേണമെന്നഭ്യര്‍ഥിച്ച് തേജലക്ഷ്മിയുടെ പിതാവ് അനില്‍കുമാര്‍ രാജഗോപാല്‍ എം.എല്‍.എ മുഖാന്തിരം മന്ത്രി എ.കെ ബാലന് നിവേദനം നല്‍കി. തുടര്‍ന്നാണ് പണം അനുവദിക്കാന്‍ മന്ത്രി ഉത്തരവിട്ടത്. ചെമ്പഴന്തി ശ്രീനാരായണ ഗുരു ഹയര്‍ സെക്കന്‍ഡറി സ്‌കൂളിലെ പ്ലസ്ടു വിദ്യാര്‍ഥിയായ തേജ കാസര്‍കോട് തൃക്കരിപ്പൂര്‍ സ്വദേശിയാണ്.