മലപ്പുറം: പ്രകൃതിയെയും പരിസ്ഥിതിയെയും സംരക്ഷിക്കേണ്ടത് വിശ്വാസിയുടെ ബാധ്യതയാണെന്നും പരിസ്ഥിതി ദിനത്തില്‍ ഓരോ പ്രവര്‍ത്തകനും ഓരോ തൈ നടുകയും അത് പരിപാലിക്കുകയും ചെയ്യണമെന്നും പാണക്കാട് സയ്യിദ് ഹൈദരലി ശിഹാബ് തങ്ങള്‍. പരിസ്ഥിതി ദിനത്തിന്റെ മുന്നോടിയായി വീട്ടുവളപ്പില്‍ തൈ നട്ടുകൊണ്ട് എസ്.വൈ.എസ് പരിസ്ഥിതി ദിനാചരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പരിസര ശുചിത്വം, പ്ലാസ്റ്റിക് വിമുക്ത പരിസരം എന്നിവക്ക് ഓരോ പൊതു ചടങ്ങിലും വിശ്വാസികള്‍ പ്രാമുഖ്യം നല്‍കണമെന്നും നമ്മുടെയും വരും തലമുറയുടെയും ആരോഗ്യകരമായ നിലനില്‍പ്പിന് ഇത് അനിവാര്യമാണെന്നും തങ്ങള്‍ പറഞ്ഞു. സയ്യിദ് കെ.കെ.എസ് തങ്ങള്‍ വെട്ടിച്ചിറ, കാടാമ്പുഴ മൂസ ഹാജി, സയ്യിദ് ബി.എസ്.കെ തങ്ങള്‍, കാളാവ് സൈതലവി മുസ്‌ലിയാര്‍, അബ്ദുല്‍ ഖാദിര്‍ ഫൈസി കുന്നുംപുറം, ഷാഹുല്‍ ഹമീദ് മാസ്റ്റര്‍, സി.എച്ച് ത്വയ്യിബ് ഫൈസി, ആനമങ്ങാട് മുഹമ്മദ് കുട്ടി ഫൈസി, സലീം എടക്കര, പി.കെ ലത്തീഫ് ഫൈസി, ഒ.കെ.എം മൗലവി സംബന്ധിച്ചു.