ഇരിട്ടി: ഖത്തര്‍ കെ.എം.സി.സി അടക്കാത്തോട്ടിലെ നാരങ്ങാതട്ടില്‍ നിര്‍മിച്ച ശിഹാബ് തങ്ങള്‍ കുടിനീര്‍ പദ്ധതിയുടെ ഉദ്ഘാടനം നാളെ ഉച്ചക്ക് മൂന്നിന് ഖത്തര്‍ കെ.എം.സി.സി നേതാവും നാദാപുരം എം.എല്‍.എയുമായ പാറക്കല്‍ അബ്ദുല്ല നിര്‍വ്വഹിക്കും.
നാരങ്ങാത്തട്ടിലെ കുന്നിന്‍ മുകളില്‍ 16 മീറ്റര്‍ നീളത്തിലും വീതിയിലും നിര്‍മിച്ച കുളത്തില്‍നിന്നു പൈപ്പ് വഴി 1300 മീറ്റര്‍ താഴെ യുള്ള ടാങ്കില്‍ വെള്ളം എത്തിച്ച് അവിടെ നിന്നും വീടുകളിലേക്ക് വെള്ളം എത്തിക്കുന്ന രീതിയിലാണ് പദ്ധതി നിര്‍മ്മിച്ചിരിക്കുന്നത്.
വൈദ്യുതിയുടെ ഉപയോഗം വേണ്ടണ്ടാത്ത രീതിയില്‍ നിര്‍മിച്ച പദ്ധതിക്ക് ഏഴു ലക്ഷം രൂപയാണ് ചിലവായത്. 80ഓളം വീട്ടുകാര്‍ക്ക് ഇതിന്റെ പ്രയോജനം ലഭിക്കും.
ഖത്തര്‍ കെ.എം.സി.സി സംസ്ഥാന സിക്രട്ടറി അബ്ദുള്‍നാസ്സര്‍(നാച്ചി), അശ് ക്കറലി സി.കെ, ജില്ലാ സിക്രട്ടറി അശ് റഫ് ആറളം,അബ്ദുല്‍ സലാം പി.എ കേളകം പഞ്ചായത്തംഗം അശ് റഫ് എന്നിവരാണ് പ്രവര്‍ത്തനങ്ങള്‍ക്ക് നേതൃത്വം നല്‍കുന്നത്. വാര്‍ത്താസമ്മേളനത്തില്‍ ഇവരെ കൂടാതെ കോര്‍ഡിനേറ്റര്‍ ഇബ്രാഹിം മുണ്ടേണ്ടരി, മുസ്‌ലിം ലീഗ് ജില്ലാ സിക്രട്ടറി അഡ്വ.കെ മുഹമ്മദലി, മണ്ഡലം സിക്രട്ടറി സി അബ്ദുല്ല തുടങ്ങിയവരും പങ്കെടുത്തു.