മനാമ: ബഹ്‌റൈന്‍ കെ.എം.സി.സി കോഴിക്കോട് ജില്ലാ കമ്മിറ്റിയുടെ ആഭിമുഖ്യത്തില്‍ മനാമ കെ.എം.സി.സി ആസ്ഥാനത്ത് ഈദ് സ്‌നേഹ സംഗമവും പ്രളയ ദുരിതത്തിലകപ്പെട്ടവര്‍ക്ക് വേണ്ടി പ്രാര്‍ത്ഥനാ സദസ്സും സംഘടിപ്പിച്ചു. ചടങ്ങില്‍ ജില്ലാ ആക്ടിങ് പ്രസിഡണ്ട് അബൂബക്കര്‍ ഹാജി അധ്യക്ഷം വഹിച്ചു. സംസ്ഥാന ആക്ടിങ് പ്രസിഡണ്ട് ടി പി മുഹമ്മദലി സംഗമം ഉദ്ഘാടനം ചെയ്തു. അന്‍സാര്‍ പ്രാര്‍ത്ഥന നടത്തി.

സി കെ അബ്ദുറഹിമാന്‍, കുട്ടൂസ മുണ്ടേരി, മുസ്തഫ കെ പി, സിദീഖ് പി വി. അസ്‌ലം വടകര, സൂപ്പി ജീലാനി എന്നിവര്‍ ആശംസകള്‍ നേര്‍ന്നു. ഫൈസല്‍ കണ്ടിത്താഴ സ്വാഗതവും ഓ കെ കാസിം നന്ദിയും പറഞ്ഞു.