ന്യൂഡല്‍ഹി: സി.പി.എം പൊളിറ്റ് ബ്യൂറോ,കോണ്‍ഗ്രസ് പ്രവര്‍ത്തക സമിതി യോഗങ്ങള്‍ക്ക് ഇന്ന് ഡല്‍ഹിയില്‍ തുടക്കമാകും.
സീതാറാം യെച്ചൂരിയുടെ രാജ്യസഭ സീറ്റിനെക്കുറിച്ചും രാഷ്ട്രപതി തെരഞ്ഞെടുപ്പിലെ പിന്തുണയെക്കുറിച്ചുമാകും പൊളിറ്റ് ബ്യൂറോയിലെ പ്രധാന ചര്‍ച്ച.

യോഗം രണ്ടു ദിവസം നീണ്ടു നില്‍ക്കും. രാഷ്ട്രപതി തെരഞ്ഞെടുപ്പുമായി ബന്ധപ്പെട്ട ചര്‍ച്ചകളായിരിക്കും കോണ്‍ഗ്രസ് പ്രവര്‍ത്തക സമിതിയുടെ മുഖ്യ അജണ്ട.
അതേസമയം, സി.പി.ഐ എക്‌സിക്യൂട്ടീവ് യോഗം ഇന്ന് തിരുവനന്തപുരത്ത് ചേരും. മദ്യനിയത്തിലെ പാര്‍ട്ടിയുടെ നിലപാടായിരിക്കും യോഗത്തില്‍ പ്രധാനമായും ചര്‍ച്ച ചെയ്യുക.