തൊടുപുഴ: വിശാഖപട്ടണത്തു നടന്ന 15-ാമത് ദേശീയ മാസ്‌റ്റേഴ്‌സ് നീന്തല്‍ ചാംപ്യന്‍ഷിപ്പില്‍ കേരളത്തിനു വേണ്ടി തൊടുപുഴ സ്വദേശി ബേബി വര്‍ഗീസ് ഒരു സ്വര്‍ണവും രണ്ട് വെള്ളിയും നേടി. 200 മീറ്റര്‍ ഫ്രീസ്‌റ്റൈല്‍ റിലേയില്‍ സ്വര്‍ണവും 200 മീറ്റര്‍ മെഡ്‌ലേ റിലേ, 100 മീറ്റര്‍ ബട്ടര്‍ഫ്‌ളൈ എന്നിവയില്‍ വെള്ളിമെഡലും കരസ്ഥമാക്കി.
സ്വന്തം പരിശീലനത്തിനായി വണ്ടമറ്റം അക്വാറ്റിക് സെന്റര്‍ എന്ന പേരില്‍ വീട്ടുമുറ്റത്ത് നീന്തല്‍കുളം നിര്‍മിച്ച് പരിശീലനത്തിനോടൊപ്പം രാവിലെയും വൈകുന്നേരങ്ങളിലും കുട്ടികള്‍ക്കും മുതിര്‍ന്നവര്‍ക്കും പരിശീലനം നല്‍കി വരുന്ന ബേബി ജില്ലാ അക്വാറ്റിക് അസോസിയേഷന്‍ സെക്രട്ടറിയും സംസ്ഥാന വൈസ് പ്രസിഡന്റുമാണ്. പഞ്ചായത്ത് വകുപ്പില്‍ അടിമാലി പെര്‍ഫോമന്‍സ് ഓഡിറ്റ് യൂനിറ്റിലെ സൂപ്രണ്ടായ ബേബി ദക്ഷിണ കൊറിയയില്‍ നടക്കുന്ന വേള്‍ഡ് മാസ്‌റ്റേഴ്‌സ് നീന്തല്‍ ചാംപ്യന്‍ഷിപ്പില്‍ ഇന്ത്യയെ പ്രതിനിധീകരിച്ച് പങ്കെടുക്കാനുള്ള യോഗ്യതയും ഈ വിജയത്തിലൂടെ നേടി.