വെസ്റ്റ് ബാങ്ക്: അമേരിക്കന്‍ കോണ്‍ഗ്രസ് അംഗം റാശിദ താലിബ് ഇസ്രാഈല്‍ സന്ദര്‍ശിക്കാത്തതില്‍ മുത്തശ്ശി മുഫ്തിയ താലിബ് സന്തോഷവതിയാണെന്ന ട്രംപിന്റെ ട്വീറ്റിന് മറുപടിയുമായി റാശിദ താലിബിന്റെ മുത്തശി രംഗത്ത്. നേരത്തെ ഇസ്രാഈല്‍ സന്ദര്‍ശിക്കാനുള്ള കോണ്‍ഗ്രസ് അംഗംങ്ങളായ ഇല്‍ഹാന്‍ ഉമറിന്റെയും റാശിദയുടെയും തീരുമാനത്തെ ട്രംപിന്റെ ഇടപെടല്‍ കാരണം ഇസ്രാഈല്‍ റദ്ദാക്കിയിരുന്നു. പിന്നിട് റാശിദ താലിബിന് മുത്തശിയെ സന്ദര്‍ശിക്കാന്‍ മാനുഷിക പരിഗണനയില്‍ അനുമതി കൊടുത്തെങ്കിലും അവര്‍ യാത്രയില്‍ നിന്ന് പിന്മാറി.

റാശിദ താലിബിന്റെ മുത്തശ്ശിയും കുടുംബവും ഇസ്രാഈല്‍ അധിനിവേശ വെസ്റ്റ് ബാങ്കിലാണ് താമസിക്കുന്നത്. 2006 ല്‍ ആണ് അവര്‍ അവസാനമായി പരസ്പരം കണ്ടത്.അമേരിക്കന്‍ കോണ്‍ഗ്രസ് അംഗങ്ങളില്‍ ട്രംപിന്റെയും ജൂത ലോബിയിംഗിന്റെയും കടുത്ത വിമര്‍ശകരില്‍ ഒരാളാണ് റാശിദ താലിബ്.