കൊല്ലം: ഭാരതീയ തപാല്‍വകുപ്പ് 30,31 തീയതികളില്‍ കൊല്ലം സി.എസ്.ഐ കണ്‍വന്‍ഷന്‍ സെന്ററില്‍ ജില്ലാതല സ്റ്റാമ്പ് പ്രദര്‍ശനം(കൊല്ലം പെക്‌സ്-2018) സംഘടിപ്പിക്കുമെന്ന് കേരള പോസ്റ്റല്‍ സര്‍വിസ് ഡയരക്ടര്‍ സയീദ് റഷീദ് വാര്‍ത്താസമ്മേളനത്തില്‍ അറിയിച്ചു. ലോകത്ത് ആദ്യമായി പുറത്തിറങ്ങിയ സ്റ്റാമ്പു മുതല്‍ വിവിധ രാജ്യങ്ങളിലെ പല വിധത്തിലും വര്‍ണങ്ങളിലുമുള്ള സ്റ്റാമ്പുകള്‍ പ്രദര്‍ശനത്തിലുണ്ടാകും. ക്ഷണിക്കപ്പെട്ട, മല്‍സര വിഭാഗങ്ങളിലും പ്രത്യേകം പ്രദര്‍ശനം സംഘടിപ്പിച്ചിട്ടുണ്ട്. മത്സര വിഭാഗത്തില്‍ ജൂനിയര്‍,സീനിയര്‍ ഇനങ്ങളുണ്ടാകും. സ്വന്തം ചിത്രം ആലേഖനം ചെയ്ത 'എന്റെ സ്റ്റാമ്പ്' സൗകര്യവും ഏര്‍പ്പെടുത്തും. പ്രദര്‍നത്തിന്റെ ഭാഗമായി 30ന് വിദ്യാര്‍ഥികള്‍ക്കായി പെയിന്റിംഗ്,കയ്യെഴുത്ത് മല്‍സരങ്ങളും നടത്തും. 31ന് രാവിലെ ഫിലാറ്റലിക് ശില്‍പശാലയും ഫിലാറ്റലിക് ക്വിസും ഒരുക്കിയിട്ടുണ്ട്. 30ന് രാവിലെ 10ന് ചീഫ് പോസ്റ്റ്മാസ്റ്റര്‍ ജനറല്‍ ശാരദ സമ്പത്ത് ഉദ്ഘാടനം ചെയ്യും. വാര്‍ത്താസമ്മേളനത്തില്‍ ആര്‍. ഗോപകുമാര്‍, എ. സുധാകരന്‍, സതീഷ് രാമചന്ദ്രന്‍ എന്നിവരും പങ്കെടുത്തു. സംഗീത സംവിധായകന്‍ ജി. ദേവരാജന്റെ സ്മരണാര്‍ഥം അദ്ദേഹത്തിന്റെ പേരിലുള്ള വിശേഷാല്‍ കവറിന്റെയും സ്റ്റാമ്പ് പ്രദശനത്തിന്റെ ലോഗോയും പ്രസ്‌ക്ലബ്ബ് ഹാളില്‍ പ്രകാശനം ചെയ്തു.