ന്യൂഡല്‍ഹി: സംസ്ഥാനത്തെ പ്രാഥമിക സഹകരണ സംഘങ്ങളുടെയും സഹകരണ ബാങ്കുകളുടെയും വരുമാന നികുതി വാണിജ്യ ബാങ്കുകളുടേതിനു തുല്യമായി ഈടാക്കുന്നത് സഹകരണ മേഖലയെ പ്രതിസന്ധിയിലാക്കുന്നുവെന്ന് കേരളം. ഇത്തരമൊരു നീക്കത്തില്‍ നിന്ന് കേന്ദ്ര സര്‍ക്കാര്‍ പിന്തിരിയണമെന്ന് സഹകരണ വകുപ്പു മന്ത്രി കടകംപള്ളി സുരേന്ദ്രന്‍ ആവശ്യപ്പെട്ടു. കേന്ദ്ര കൃഷി മന്ത്രി നരേന്ദ്ര സിങ് തോമര്‍, ധനകാര്യമന്ത്രി നിര്‍മലാ സീതാരാമന്‍ എന്നിവരുമായുള്ള കൂടിക്കാഴ്ചയിലാണ് കടകംപള്ളി ഇക്കാര്യം ആവശ്യപ്പെട്ടത്.