എടപ്പാള്‍: ഓഗസ്റ്റ് പതിനഞ്ചിന് എസ്.കെ.എസ്.എസ്.എഫ് സംസ്ഥാന വ്യാപകമായി മേഖലാ കേന്ദ്രങ്ങളില്‍ സംഘടിപ്പിക്കുന്ന ഫ്രീഡം സ്‌ക്വയര്‍ വൈകുന്നേരം നാലിന് പുറങ്ങ് കുണ്ടണ്ടുകടവ് സെന്ററില്‍ നടത്താന്‍ പൊന്നാനി മേഖലാ പ്രവര്‍ത്തക സമിതിയോഗം തീരുമാനിച്ചു. നൂറ് സന്നദ്ധ പ്രവര്‍ത്തകരുടെ സമര്‍പണം, റാലി, ദേശീയോദ്ഗ്രഥന പ്രതിജ്ഞ, പ്രഭാഷണം എന്നിവ നടക്കും. ജില്ലാ ജനറല്‍ സെക്രട്ടറി ശഹീര്‍ അന്‍വരി പുറങ്ങ് യോഗം ഉദ്ഘാടനം ചെയ്തു. മേഖലാ പ്രസിഡണ്ട് മുജീബ് അന്‍വരി അധ്യക്ഷനായി.
ജനറല്‍ സെക്രട്ടറി വി.അബ്ദുല്‍ ഗഫൂര്‍ പൊന്നാനി, സി.കെ അബ്ദുറസാഖ്, വി.കെ.ഹുസൈന്‍ മുസ്‌ലിയാര്‍, നസീര്‍ അഹ്മദ് ഹുദവി, ആസിഫ് മാരാമുറ്റം, ഇര്‍ശാദ് പുറങ്ങ്, നിസാര്‍ ദാരിമി പാലപ്പെട്ടി, ഇ.കെ ജുനൈദ്, എ.എം ശൗക്കത്ത് സംസാരിച്ചു.
പുതിയ വര്‍ക്കിങ് സെക്രട്ടറിയായി മുഹമ്മദലി ഹുദവിയെ തെരഞ്ഞെടുത്തു. കോസ്റ്റല്‍ കെയര്‍ തീരദേശ പ്രൊജക്ട് നടപ്പാക്കുന്നതുമായി ബന്ധപ്പെട്ട ചര്‍ച്ചാ സമ്മേളനം നാലിന് വ്യാഴാഴ്ച പുതുപൊന്നാനിയില്‍ നടക്കും