കോഴിക്കോട്: മഴക്കാല പ്രതിരോധ പ്രവര്‍ത്തനത്തിന്റെ ഭാഗമായി ജില്ലയില്‍ മെഡിക്കല്‍, ഹോമിയോപ്പതി, ആയുര്‍വേദ ക്യാംപുകള്‍ തദ്ദേശ സ്വയംഭരണ സ്ഥാപനത്തിന്റെ സഹായത്തോടെ നടത്തണമെന്നും ചിക്കന്‍ ഗുനിയ, ഡെങ്കിപ്പനി, മലമ്പനി തുടങ്ങിയ രോഗങ്ങള്‍ പകരുന്നത് തടയുന്നതിനായി പ്രതിരോധ പ്രവര്‍ത്തനങ്ങള്‍ കാര്യക്ഷമമാക്കണമെന്നും കോഴിക്കോട് താലൂക്ക് വികസന സമിതി യോഗം ആവശ്യപ്പെട്ടു.
അമിതവേഗത്തില്‍ ഓടുന്ന ടിപ്പര്‍ലോറി ഉള്‍പ്പെടെയുള്ള വാഹനങ്ങളുടെ ഡ്രൈവര്‍മാര്‍ക്കെതിരേയും വാഹനഉടമകള്‍ക്കെതിരേയും കര്‍ശന നടപടിയെടുക്കണമെന്നും റോഡിലേക്ക് ചാഞ്ഞുകിടക്കുന്നതും അപകട ഭീഷണിയുമായ മരക്കൊമ്പുകള്‍ മുറിച്ചുമാറ്റണമെന്നും യോഗം ആവശ്യപ്പെട്ടു.
യോഗത്തില്‍ ടി. മുഹമ്മദലി, പി. മുഹമ്മദ്, നസീം കൊടിയത്തൂര്‍, ടി.കെ നാസര്‍, സി.എന്‍ ശിവദാസന്‍, സി. അമര്‍നാഥ്, എന്‍.ആര്‍ രാധിക, തഹസില്‍ദാര്‍ കെ. ബാലന്‍ സംസാരിച്ചു.