കോഴിക്കോട്: കേരളത്തിന് കേന്ദ്രം ഉറപ്പു നല്‍കിയ എയിംസ് കേന്ദ്രം അനുവദിച്ചുകിട്ടാന്‍ കക്ഷിരാഷ്ട്രീയ ഭേദമെന്യേ പ്രവര്‍ത്തകരും ജനപ്രതിനിധികളും ശബ്ദം ഉയര്‍ത്തണമെന്ന് ഭരണ പരിഷ്‌കാര വേദി ജില്ലാ കമ്മിറ്റി ആവശ്യപ്പെട്ടു. മുഖ്യമന്ത്രി പ്രധാനമന്ത്രിയെ നേരിട്ടു കണ്ട് ആവശ്യപ്പെട്ടിട്ടും കേരളത്തെ കേന്ദ്രം അവഗണിക്കുകയാണെന്ന് കമ്മിറ്റി ആരോപിച്ചു. ജോണ്‍ കടലുണ്ടി അധ്യക്ഷനായി. പി. പത്മനാഭന്‍ വേങ്ങേരി, ചെറിയാന്‍ തോട്ടുങ്കല്‍, അഡ്വ. കെ. അച്യുതന്‍ നായര്‍, ടി. ഹസ്സന്‍, വി. ചന്ദ്രശേഖരന്‍, കെ.പി.എം ശ്രീദേവി, പി. ഗീത, ടി.കെ മാധവന്‍കുട്ടി, വല്‍സന്‍ മണ്ണൂര്‍ സംസാരിച്ചു.