മലപ്പുറം: സ്റ്റുഡന്റ് പൊലിസ് കെഡറ്റ് (എസ്. പി. എസ്) പ്രൊജക്റ്റിന്റെ ആഭിമുഖ്യത്തില്‍ എസ്.എസ്.എല്‍.സി പരീക്ഷയില്‍ എല്ലാ വിഷയങ്ങളിലും എ പ്ലസ് നേടിയ എസ്.പി.സി കെഡറ്റുകളായ വിദ്യാര്‍ഥികളെ ആദരിക്കുന്നു.
എസ്.പി.സിയുടെ ആറാം ജന്മദിനമായ ഇന്ന് വൈകീട്ട് മൂന്നിന് കുറ്റിപ്പുറം എം.ഇ.എസ് എന്‍ജിനീയറിങ് കോളജ് ഓഡിറ്റോറിയത്തില്‍ നടക്കുന്ന പരിപാടിയില്‍ നിയമസഭാ സ്പീക്കര്‍ പി ശ്രീരാമകൃഷ്ണന്‍ അവാര്‍ഡുകള്‍ കൈമാറും.  കെ.കെ ആബിദ് ഹുസൈന്‍ തങ്ങള്‍ എം.എല്‍.എ അധ്യക്ഷനാകും.  ജില്ലാ കലക്ടര്‍ എസ് വെങ്കടേസപതി, ജില്ലാ പൊലിസ് മേധാവി ദേബേഷ് കുമാര്‍ ബെഹ്‌റ, എസ്.പി.സി അഡീഷനല്‍ സ്റ്റേറ്റ് നോഡല്‍ ഓഫിസര്‍ യു അബ്ദുള്‍ കരീം, എസ്.പി.സി, ബി.സി.ഐ.ഡി, ബന്ധപ്പെട്ട ഡിപ്പാര്‍ട്ട്‌മെന്റുകളുടെ ജില്ലാ ഓഫിസര്‍മാര്‍ പങ്കെടുക്കും. ജില്ലയിലെ വിവിധ എസ്.പി.സി യുനിറ്റുകളില്‍ നിന്നായി 333 എസ്.പി.സി കെഡറ്റുകള്‍ പ്രതിഭാ പുരസ്‌കാരത്തിന് അര്‍ഹരാണ്. ഇതോടൊപ്പം 2015ല്‍ ശാസ്ത്ര സാങ്കേതിക വകുപ്പിന്റെ കീഴില്‍ നടന്ന ശാസ്ത്ര പ്രതിഭാ മത്സരത്തില്‍ സംസ്ഥാനതലത്തില്‍ മികവ് തെളിയിച്ച കുട്ടികളേയും ആദരിക്കും.