കല്‍പ്പറ്റ: പുത്തുമല ദുരന്തഭൂമി സന്ദര്‍ശിക്കാന്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഇന്നെത്തും. ഉച്ചക്ക് 2.30ന് പുത്തുമലയിലെത്തുന്ന തങ്ങള്‍ ദുരന്തത്തില്‍ അകപ്പെട്ടവരുടെ കുടുംബാംഗങ്ങളെ സന്ദര്‍ശിക്കും. തുടര്‍ന്ന് വൈകിട്ട് റെയ്ഞ്ച് ജംഇയ്യത്തുല്‍ മുഅല്ലിമീന്റെ നേതൃത്വത്തില്‍ മേപ്പാടിയില്‍ നടക്കുന്ന പ്രാര്‍ഥനാ സംഗമത്തിലും തങ്ങളടക്കമുള്ള നേതാക്കള്‍ സംബന്ധിക്കും. ഉച്ചയോടെ കല്‍പ്പറ്റയിലെത്തുന്ന തങ്ങളും മറ്റ് നേതാക്കളും സമസ്ത ജില്ലാ കാര്യാലയത്തില്‍ ദുരിതബാധിതരെ സഹായിക്കാനായി ഒരുക്കിയ കലക്ഷന്‍ സെന്റര്‍ സന്ദര്‍ശിച്ചതിന് ശേഷമാണ് പുത്തുമലയിലേക്ക് പോകുക.