കരുനാഗപ്പള്ളി: യുവാക്കളെ ആക്രമിച്ച് കൊലപ്പെടുത്താന്‍ ശ്രമിച്ച കേസില്‍ രണ്ടുപേര്‍ അറസ്റ്റില്‍.
മണപ്പള്ളിക്ക് സമീപം കഴിഞ്ഞ ഞായറാഴ്ച തഴവാ സ്വദേശികളായ രണ്ട് യുവാക്കളെ അക്രമിച്ചു വധിക്കാന്‍ ശ്രമിച്ച കേസില്‍ തഴവ ശരത് ഭവനം അജിത്ത് (22), തഴവ മാമൂട് തറയില്‍ വീട്ടില്‍ കോട്ടു എന്നു വിളിക്കുന്ന ആദര്‍ശ് (25) എന്നിവരെയാണ് കരുനാഗപ്പള്ളി എ.സി.പി ബി. വിനോദ് കുമാറിന്റെ നേതൃത്വത്തിലുള്ള പ്രത്യേക പൊലിസ് സംഘം അറസ്റ്റ് ചെയ്തത്.
ഏരുമേലിയില്‍ കാട്ടിനുള്ളിലെ ഒരു വീട്ടില്‍ ഒളിവില്‍ കഴിഞ്ഞു വരുകയായിരുന്നു പ്രതികള്‍. മുന്‍ വൈരാഗ്യമാണ് അക്രമണത്തിന് പിന്നിലെന്ന് പൊലിസ് പറഞ്ഞു.
സി.ഐ മുഹമ്മദ് ഷാഫി, എസ്.ഐ ഉമറുല്‍ ഫറൂഖ്, എ.എസ്.ഐ ഷാഫി, സിനിയര്‍ സിവില്‍ പൊലിസ് ഒഫിസര്‍മാരായ ഷാജിമോന്‍, രാജീവ്, വിഷ്ണു ശ്രീകുമാര്‍, ഷാന്‍സിങ് അടങ്ങുന്ന സംഘമാണ് പ്രതികളെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതികളെ റിമാന്റു ചെയ്തു.