കൊച്ചി: മദ്രാസ് ഹൈക്കോടതി ജഡ്ജി ജസ്റ്റിസ് എസ്. മണികുമാറിനെ കേരള ഹൈക്കോടതി ചീഫ്ജസ്റ്റിസായി നിയമിച്ചു. കേരള ഹൈക്കോടതി ചീഫ് ജസ്റ്റിസ് ഋഷികേശ് റോയ് സുപ്രിംകോടതി ജഡ്ജിയായി നിയമിതനാകുന്ന ഒഴിവിലാണ് ജസ്റ്റിസ് എസ്. മണികുമാറിനെ ഹൈക്കോടതി ചീഫ്ജസ്റ്റിസായി നിയമിച്ചത്.

1983 മുതല്‍ അഭിഭാഷകവൃത്തിയിലുള്ള ജസ്റ്റിസ് മണികുമാര്‍ 2006 മുതലാണ് ജഡ്ജിയായത്. കേരളമടക്കം എട്ട് ഹൈക്കോടതികളിലേക്കാണ് പുതിയ ചീഫ്ജസ്റ്റിസുമാരെ നിയമിക്കാന്‍ സുപ്രിംകോടതി ചീഫ് ജസ്റ്റിസ് രഞ്ജന്‍ ഗൊഗോയ് തലവനായ കൊളീജിയം ശുപാര്‍ശ ചെയ്തത്.