എസ്.കെ.എസ്.എസ്.എഫ് ദേശീയ സംഗമത്തിന് പരിസമാപ്തി
ന്യൂഡല്ഹി: എസ്.കെ.എസ്.എസ്.എഫ് ട്രൈസനേറിയത്തിന്റെ ഭാഗമായി രണ്ടു ദിവസങ്ങളിലായി ന്യൂഡല്ഹിയില് നടന്ന ദേശീയ പ്രതിനിധി സംഗമം സമാപിച്ചു. സംഘടനയുടെ നേതൃത്വത്തില് നടന്നുവരുന്ന വിദ്യഭ്യാസ,സാമൂഹിക ജാഗരണ പ്രവര്ത്തനങ്ങളെ ദേശീയാടിസ്ഥാനത്തില് വ്യാപിപ്പിക്കുന്നതിനായി പദ്ധതികള് രൂപീകരിക്കാനും കര്മപദ്ധതികള് ആവിഷ്കരിക്കാനുമാണ് സംഗമം സംഘടിപ്പിച്ചത്. സമാപന ദിവസത്തിലെ പരിപാടി ദാറുല് ഹുദാ വൈസ് ചാന്സലര് ഡോ. ബഹാഉദ്ദീന് മുഹമ്മദ് നദ്വി ഉദ്ഘാടനം ചെയ്തു. ഇന്ത്യന് മുസ്ലിംകളുടെ ഭാവിയിലേക്കുള്ള വഴി സത്യസന്ധമായി മതത്തെ മനസിലാക്കലും അത് അനുധാവനം ചെയ്യാലുമാണെന്ന് അദ്ദേഹം പറഞ്ഞു. വൈജ്ഞാനിക മുന്നേറ്റങ്ങള് കൂടുതല് ശക്തമായ രീതിയില് രാജ്യത്തിന്റെ എല്ലാ ഭാഗങ്ങളിലും നടക്കേണ്ടതിന്റെ ആവശ്യകതയും അദ്ദേഹം ഊന്നിപ്പറഞ്ഞു. പാണക്കാട് സയ്യിദ് സ്വാദിഖ് അലി ശിഹാബ് തങ്ങള് സദസ്സിന് അധ്യക്ഷത വഹിച്ചു.
' ഇന്ത്യന് മുസ്ലിംകള്: മുന്നോട്ടുള്ള വഴികള്' എന്ന പ്രമേയത്തില് ഓള് ഇന്ത്യ മുസ്ലിം മജ്ലിസ് മുഷാവറത് പ്രസിഡന്റ് നവീദ് ഹാമിദ്, ഇ. ടി മുഹമ്മദ് ബഷീര് എം.പി എന്നിവര് മുഖ്യപ്രഭാഷണം നടത്തി. പ്രമേയ ചര്ച്ചയില് ഇഗ്നോ മുന് പ്രോ വൈസ് ചാന്സലര് ബഷീര് അഹമ്മദ് ഖാന്, ഡോ. സുബൈര് ഹുദവി ചേകനൂര്, മൗലാനാ അബ്ദുല് മതീന് വെസ്റ്റ് ബംഗാള്, ഹസീബ് അഹമ്മദ് അന്സാരി മഹാരാഷ്ട്ര, മുഹമ്മദ് അനീസ് അബ്ബാസി രാജസ്ഥാന് എന്നിവര് സംസാരിച്ചു.
സമാപന സെഷനില് ഷഫീഖ് റഹ്മാന് ബര്ഖ് എം.പി സമാപന പ്രഭാഷണം നടത്തി. ദേശീയാടിസ്ഥാനത്തില് പ്രവര്ത്തനങ്ങള് വിപുലപ്പെടുത്തുന്നത് സംബന്ധിച്ച് വിശദമായ ചര്ച്ച നടന്നു. ഡോ. ബിഷറുല് ഹാഫി, ജാബിര് ഹുദവി ചര്ച്ചയ്ക്ക് നേതൃത്വം നല്കി.
പുതിയ പദ്ധതികള് പ്രഖ്യാപിച്ച് ദേശീയ പ്രതിനിധി സംഗമം
ന്യൂഡല്ഹി: സംഘടനയുടെ മേല്നോട്ടത്തിലുള്ള സാമൂഹിക ജാഗരണ പ്രവര്ത്തനങ്ങള് ദേശീയാടിസ്ഥാനത്തില് വ്യാപിപ്പിക്കുന്നതിന്റെ ഭാഗമായി പുതിയ പദ്ധതികള് എസ്.കെ.എസ്.എസ്.എഫ് പ്രഖ്യാപിച്ചു.ദേശീയ പ്രതിനിധി സംഗമത്തിന്റെ ഭാഗമായി നടന്ന ചര്ച്ചാ സംഗമത്തിലാണ് പുതിയ പദ്ധതികള് പ്രഖ്യാപിച്ചത്. എല്ലാ സംസ്ഥാനങ്ങളിലും യൂനിറ്റി കമ്മിറ്റികള് വേഗത്തില് രൂപീകരിക്കുക, അതടിസ്ഥാനപ്പെടുത്തി പരമാവധി സ്ഥലങ്ങളില് വിദ്യാഭ്യാസ ഗുണമേന്മ ഉറപ്പുവരുത്താനുള്ള പദ്ധതികള് ആവിഷ്കരിക്കുക എന്നിവയാണ് സുപ്രധാന തീരുമാനങ്ങള്.
സെഷനില് വിവിധ സംസ്ഥാനങ്ങളില് നിന്നുള്ള പ്രതിനിധികള് തങ്ങളുടെ അനുഭവങ്ങളും ആലോചനകളും പങ്കുവച്ചു.
ഡോ. ബഹാഉദ്ദീന് മുഹമ്മദ് നദ്വി പ്രമേയ പ്രഭാഷണം നടത്തിയ സെഷനില് പശ്ചിമ ബംഗാള്, ഓള് ഇന്ത്യ സുന്നത് അല് ജമാഅത്ത് ജനറല് സെക്രട്ടറി മൗലാനാ അബ്ദുല് മതീന്, പശ്ചിമ ബംഗാള് ഉലമ പരിഷത്ത് പ്രസിഡന്റ് മൗലാനാ നൂറുല് ഹുദാ നൂര്, ഹസീബ് അഹമ്മദ് അന്സാരി മഹാരാഷ്ട്ര, മുഹമ്മദ് അനീസ് അബ്ബാസി രാജസ്ഥാന്, റഈസ് അഹ്മദ് മണിപ്പൂര്, അനീസ് കൗസരി കര്ണാടക എന്നിവര് സംസാരിച്ചു.
രാജ്യത്തിന്റെ വ്യതസ്ത ഭാഗങ്ങളില് നടക്കുന്ന മത വിദ്യാഭ്യാസ സാമൂഹിക ജാഗരണ പ്രവര്ത്തനങ്ങളെ കുറിച്ചുള്ള ആഴത്തിലുള്ള വിലയിരുത്തലുകള് സെഷനില് നടന്നു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."