ഗുരുവായൂര്‍: മദ്യവര്‍ജ്ജനമാണ് ലക്ഷ്യമെന്ന് പറയുന്ന ഭരണാധികാരികള്‍ മദ്യം സുലഭമായൊഴുക്കുന്നത് വിരോധഭാസമാണെന്ന് എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് ഓണംപിള്ളി മുഹമ്മദ് ഫൈസി.തൈക്കാട് മദ്യവില്‍പ്പന ശാലക്കു മുന്നില്‍ മഹല്ല് കമ്മിറ്റികളുടെ നേതൃത്വത്തില്‍ നടന്ന സമരം ഉദ്ഘാടനം ചെയ്യുകയായിരുന്നു അദ്ദേഹം.
ലഹരി മരുന്നുകളുടെ ഉപഭോഗം കുറയ്ക്കാന്‍ മദ്യം സുലഭമാക്കുന്നുവെന്ന ന്യായം തലതിരിഞ്ഞതാണ്.അധികാരത്തില്‍ വന്നാല്‍ എല്ലാം ശരിയാക്കാമെന്ന് പറഞ്ഞ് അധികാരത്തില്‍ വന്നവര്‍ എല്ലാം കുളമാക്കുകയാണ്.ഭാവി തലമുറയെ നശിപ്പിക്കുന്ന മദ്യമെന്ന വിപത്തിനെതിരെ സമൂഹം ഒറ്റക്കെട്ടായി പോരാടണം.ഗുരുവായൂര്‍ ക്ഷേത്രനഗരിയില്‍ മദ്യവില്‍പ്പന ശാലക്കെതിരെ സമരം നടക്കുമ്പോള്‍ സ്ഥലത്തെ ജനപ്രതിനിധികള്‍ മൗനം പാലിക്കുന്നത് ജനാധിപത്യത്തിന് ഭൂഷണമല്ലെന്നും ഓണംപിള്ളി പറഞ്ഞു.