കോട്ടക്കല്‍: സ്‌കൂളിലെ വിദ്യാര്‍ഥികള്‍ എഴുതിത്തയാറാക്കിയത് 2016 മാസികകള്‍. എടരിക്കോട് പി.കെ.എം ഹയര്‍സെക്കന്‍ഡറി സ്‌കൂളിലെ നാല്‍പത് ക്ലബുകളുടെ ഉദ്ഘാടനത്തോടനുബന്ധിച്ചാണ് 2016 കൈയെഴുത്ത് മാസികകള്‍ പ്രകാശനം ചെയ്തത്. സ്‌കൂളിലെ വിദ്യാര്‍ഥികളുടെ സൃഷ്ടികള്‍ ഉള്‍പ്പെടുത്തിക്കൊണ്ടുള്ള മാസിക അധ്യാപകരുടെ മേല്‍നോട്ടത്തില്‍ കുട്ടികള്‍തന്നെയാണ് എഴുതിതയാറാക്കിയത്.
കലാകാരന്‍ സുരേഷ് തിരുവാലി ഉദ്ഘാടനം ചെയ്തു. പ്രധാനാധ്യാപകന്‍ ഇ.കെ കുര്യാക്കോസ് അധ്യക്ഷനായി. പ്രിന്‍സിപ്പല്‍ മുഹമ്മദ് ഷാഫി, പി.ടി.എ പ്രസിഡന്റ് ജലീല്‍ മണമ്മല്‍, ഡപ്യൂട്ടി എച്ച്.എം കദീജാബി, ടി അബ്ദുല്‍ മജീദ്, പ്രമോദ് വാഴങ്കര, കെ.പി നാസര്‍, പി.കെ അഹമ്മദ്, സുനില്‍, അമീറലി, അബ്ദുറഹിമാന്‍ സംസാരിച്ചു.