ഫറോക്ക്: പാണക്കാട് സയ്യിദ് മുഹമ്മദലി ശിഹാബ് തങ്ങളുടെ വേര്‍പാടിന്റെ ഏഴാമാണ്ടില്‍ മനസിന്റെ താളം തെറ്റിയവര്‍ക്ക് വിഭവസമൃദ്ധമായ ഭക്ഷണമൊരുക്കി ചെറുവണ്ണൂര്‍-നല്ലളം മേഖലാ മുസ്‌ലിം ലീഗ്.
ഭക്ഷണ വിതരണം മുസ്‌ലിം ലീഗ് സംസ്ഥാന സെക്രട്ടറി എം.സി മായിന്‍ ഹാജി ഉദ്ഘാടനം ചെയ്തു. ജീവിതം മുഴുവന്‍ കാരുണ്യപ്രവര്‍ത്തനങ്ങളെ പ്രോത്സാഹിപ്പിക്കുകയും പ്രേരിപ്പിക്കുകയും ചെയ്ത തങ്ങള്‍ സൗഹാര്‍ദത്തിന്റെ പ്രതീകമായിരുന്നുവെന്ന് അദ്ദേഹം പറഞ്ഞു.
മേഖലാ പ്രസിഡന്റ് എം. കുഞ്ഞാമുട്ടി അധ്യക്ഷനായി. മദര്‍ സുപ്പീരിയര്‍ സിസ്റ്റര്‍ റാണിറ്റ എബിന്‍ എം.എസ്.ഡബ്ല്യു, മണ്ഡലം ലീഗ് ജനറല്‍ സെക്രട്ടറി കെ. ആലിക്കുട്ടി, എം. മമ്മദ് കോയ, എ.പി ബഷീര്‍, കെ.എം ബഷീര്‍ റിയാസ് അരീക്കാട്, എം.കെ ഹസന്‍ കോയ, പി. ബിച്ചിക്കോയ, കെ. അബ്ദുല്‍ ഖാദര്‍, ആദം അരീക്കാട്, സി.കെ കോമു, സഹീര്‍ നല്ലളം, അഹമ്മദ് കോയ, ബി. അഷ്‌റഫ്, നസീഫ് ചെറുവണ്ണൂര്‍, അന്‍വര്‍, കെ. അബ്ദുല്‍ റഷീദ് സംസാരിച്ചു.