താമരശ്ശേരി: അവധിക്കാലം ചെലവഴിക്കാന്‍ നാട്ടിലെത്തിയ പ്രവാസി കുടുംബത്തെ ഗുണ്ടാസംഘം നിരന്തരം ഭീഷണിപ്പെടുത്തുന്നതായി പരാതി. അയര്‍ലന്‍ഡണ്ടില്‍ നിന്നെത്തിയ കോടഞ്ചേരി പൂളവള്ളി വെട്ടുകല്ലേല്‍ ബെന്നി എന്ന സ്‌കറിയയെയും കുടുംബത്തെയുമാണു പ്രദേശിക ഗുണ്ടണ്ടാസംഘം ഭീഷണിപ്പെടുത്തുകയും അപമാനിക്കുകയും ചെയ്യുന്നത്.
കഴിഞ്ഞ തിങ്കളാഴ്ച ഉച്ചയ്ക്ക് 12ന് കോടഞ്ചേരി ടൗണില്‍ ഷോപ്പിങ്ങിനെത്തിയ സ്‌കറിയയെയും കുടുംബത്തെയും വിളക്കുന്നേല്‍ ജോര്‍ജ്കുട്ടിയുടെ നേതൃത്വത്തിലുള്ള ഗുണ്ടണ്ടാസംഘം വളയുകയും അസഭ്യം പറയുകയും അപമാനിക്കുകയും ചെയ്തതായി ഇവര്‍ വാര്‍ത്താ സമ്മേളനത്തില്‍ പരാതിപ്പെട്ടു. തുടര്‍ന്ന്, കോടഞ്ചേരി പൊലിസെത്തിയാണ് ഇവരെ രക്ഷപ്പെടുത്തിയത്. അന്നു രാത്രി വീടിന്റെ മുന്നില്‍ വന്നു കുടുംബത്തെ തകര്‍ക്കുമെന്നു ഭീഷണിപ്പെടുത്തുകയും ചെയ്തതായി ഇവര്‍ പറഞ്ഞു.
വിഷയം സംബന്ധിച്ച് കോടഞ്ചേരി പൊലിസ്, താമരശ്ശേരി സി.ഐ, ഡിവൈ.എസ്.പി എന്നിവര്‍ക്കു പരാതി നല്‍കിയിട്ടും നടപടിയൊന്നുമുണ്ടായില്ലെന്ന് സ്‌കറിയ പരാതിപ്പെട്ടു.