പത്തനാപുരം(കൊല്ലം): കേരള കോണ്‍ഗ്രസ്- ബിയെ മുന്നണിയില്‍ ഉള്‍പ്പെടുത്തരുതെന്ന് ആവശ്യപ്പെട്ട് യു.ഡി.എഫ് നേതാക്കള്‍ ഉമ്മന്‍ചാണ്ടിക്ക് കത്തുനല്‍കി. ഗാന്ധിഭവനിലെ ചടങ്ങില്‍ പങ്കെടുക്കാനെത്തിയപ്പോഴാണ് യു.ഡി.എഫ് നിയോജക മണ്ഡലം കമ്മിറ്റി നേതാക്കള്‍ ഉമ്മന്‍ ചാണ്ടിക്ക് കത്തുനല്‍കിയത്. മുന്നണിയുടെ ഭാഗമായി മത്സരിച്ച് എം.എല്‍.എയും മന്ത്രിയുമായ ഗണേഷ്‌കുമാര്‍ മുന്നണിയെ തകര്‍ക്കുന്ന നിലപാടുകളാണ് അന്ന് സ്വീകരിച്ചത്.
ഇപ്പോള്‍ ഇടതുമുന്നണിയില്‍ സി.പി.എമ്മിനെതിരേ ഏറ്റുമുട്ടി യു.ഡി.എഫില്‍ ചേക്കേറാനുള്ള ശ്രമങ്ങളാണ് നടത്തുന്നതെന്നും നേതാക്കള്‍ നല്‍കിയ നിവേദനത്തില്‍ പറയുന്നു.