ന്യൂഡല്‍ഹി: ഡല്‍ഹി മെട്രോ സ്റ്റേഷനിലെ പോക്കറ്റടിക്കാരില്‍ 90 ശതമാനവും സ്ത്രീകളാണെന്ന് സി.ഐ.എസ്.എഫ്. കൈക്കുഞ്ഞുങ്ങളുമായി എത്തിയാണ് സ്ത്രീകള്‍ പോക്കറ്റടിയില്‍ ഏര്‍പ്പെടുന്നത്. ഈ വര്‍ഷം പോക്കറ്റടിയുമായി ബന്ധപ്പെട്ട് 373 കേസുകളാണ് സി.ഐ.എസ്.എഫ് രജിസ്റ്റര്‍ ചെയ്തത്. ഇതില്‍ 329ഉം സ്ത്രീകളാണ്. കശ്മിരി ഗേറ്റ്, ചാന്ദ്‌നി ചൗക്ക്, ഷഹാദ്ര, ഹൂഡ സിറ്റി സെന്റര്‍, രാജിവ് ചൗക്ക്, കീര്‍ത്തി നഗര്‍, ന്യൂഡല്‍ഹി, തുഗ്ലക്കാബാദ് സ്റ്റേഷനുകള്‍ കേന്ദ്രീകരിച്ചാണ് ഏറ്റവും കൂടുതല്‍ പോക്കറ്റടികള്‍ നടക്കുന്നത്.