HOME
DETAILS

മാലിന്യ സംസ്‌കരണത്തിന് നൂതന മാര്‍ഗങ്ങള്‍ സ്വീകരിക്കണം: മന്ത്രി എ.സി മൊയ്തീന്‍

  
backup
October 27 2018 | 04:10 AM

%e0%b4%ae%e0%b4%be%e0%b4%b2%e0%b4%bf%e0%b4%a8%e0%b5%8d%e0%b4%af-%e0%b4%b8%e0%b4%82%e0%b4%b8%e0%b5%8d%e2%80%8c%e0%b4%95%e0%b4%b0%e0%b4%a3%e0%b4%a4%e0%b5%8d%e0%b4%a4%e0%b4%bf%e0%b4%a8%e0%b5%8d-%e0%b4%a8

തിരൂര്‍: മാലിന്യ നിര്‍മാര്‍ജനത്തിനും സംസ്‌കരണത്തിനും തദ്ദേശ സ്വയംഭരണ സ്ഥാപനങ്ങള്‍ നൂതന മാര്‍ഗങ്ങള്‍ സ്വീകരിക്കണമെന്ന് മന്ത്രി എ.സി മൊയ്തീന്‍. തിരൂര്‍ നഗരസഭ നടപ്പാക്കുന്ന സമഗ്ര മാലിന്യ സംസ്‌കരണ പദ്ധതിയില്‍ ആദ്യഘട്ടത്തില്‍ നടപ്പാക്കുന്ന റിസോഴ്‌സ് റിക്കവറി ഫെസിലിറ്റിയുടെയും ജൈവ മാലിന്യസംസ്‌കരണ സംവിധാനത്തിന്റെയും ശിലാസ്ഥാപനം നിര്‍വഹിക്കുകയായിരുന്നു മന്ത്രി. ആധുനിക സാങ്കേതിക വിദ്യയുടെ സാധ്യതകളെ പരമാവധി പ്രയോജനപ്പെടുത്തി മാലിന്യപ്രശ്‌നം പരിഹരിക്കാന്‍ നഗരസഭകളും പഞ്ചായത്തുകളും പരമാവധി ശ്രദ്ധിക്കണം. മാലിന്യത്തിനെതിരേ പൊതുബോധമുയരണം. ഇതിനായി സ്‌കൂളുകള്‍, കോളജുകള്‍, തദ്ദേശ സ്വയം ഭരണ സ്ഥാപനങ്ങള്‍ തുടങ്ങിയ ഇടങ്ങില്‍ ബോധവല്‍ക്കരണം നടത്തണമെന്നും മന്ത്രി പറഞ്ഞു. പ്ലാസ്റ്റിക് വേര്‍തിരിച്ച് ശേഖരിച്ച് സംസ്‌കരിച്ച് ടാറില്‍ ചേര്‍ക്കാനുള്ള പദ്ധതികള്‍ ക്ലീന്‍ കേരളയുടെ ഭാഗമായി സജീവ പരിഗണനയിലാണെന്നും മാലിന്യ സംസ്‌കരണ പദ്ധതികള്‍ക്ക് സര്‍ക്കാര്‍ മികച്ച പിന്തുണ നല്‍കുമെന്നും മന്ത്രി വ്യക്തമാക്കി. സി മമ്മൂട്ടി എം.എല്‍.എ അധ്യക്ഷനായി.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."