ഗൂഡല്ലൂര്‍: കോത്തഗിരി കക്കുഞ്ചിയില്‍ ഏഴ് വീടുകള്‍ കുത്തിത്തുറന്ന് സ്വര്‍ണവും പണവും മോഷ്ടിച്ചു. സ്വദേശികളായ രവി, ശിവരാജ്, രംഗസ്വാമി, ദേവരാജ്, അര്‍ജുനന്‍, ജോഗി, രാമന്‍ എന്നിവരുടെ വീടുകള്‍ കുത്തിത്തുറന്നാണ് കവര്‍ച്ച നടത്തിയത്.
ഇവര്‍ പഴനി ക്ഷേത്രത്തില്‍ ദര്‍ശനത്തിന് പോയ സമയത്തായിരുന്നു മോഷണം. രവിയുടെ വീട്ടില്‍ നിന്ന് ആറ് പവന്‍ സ്വര്‍ണവും 35,000 രൂപയും ശിവരാജിന്റെ വീട്ടില്‍ നിന്ന് 30,000 രൂപയും നഷ്ടപ്പെട്ടിട്ടുണ്ട്. മറ്റു വീടുകളില്‍ നിന്നും സ്വര്‍ണവും പണവും അപഹരിച്ചിട്ടുണ്ട്.
 വിവരമറിഞ്ഞ് കോത്തഗിരി സി.ഐ ബാലചന്ദ്രന്‍, എസ്.ഐ രാമചന്ദ്രന്‍, സഞ്ജീവന്‍ എന്നിവര്‍ സ്ഥലത്തെത്തി പരിശോധന നടത്തി. വിരലടയാള വിദഗ്ധരും ഡോഗ് സ്‌ക്വാഡും സ്ഥലത്തെത്തി പരിശോധന നടത്തി. പൊലിസ് അന്വേഷണം ആരംഭിച്ചു.