മേപ്പയ്യൂര്‍: ഏഷ്യന്‍ ഗെയിംസില്‍ വെള്ളി മെഡല്‍ നേടിയ മേപ്പയ്യൂരിലെ വരകില്‍ നീനക്ക് പഞ്ചായത്ത് ഭരണസമിതി സ്വീകരണം നല്‍കി.
എല്‍.പി സ്‌കൂളില്‍ നിന്ന് മേപ്പയ്യൂര്‍ ബസ് സ്റ്റാന്‍ഡിലേക്ക് സ്വീകരണ ഘോഷാത്ര നടന്നു. തുടര്‍ന്ന് നടന്ന അനുമോദന യോഗം ബ്ലോക്ക് പഞ്ചായത്ത് പ്രസിഡന്റ് കെ. കുഞ്ഞിരാമന്‍ ഉദ്ഘാടനം ചെയ്തു. പഞ്ചായത്ത് പ്രസിഡന്റ് പി.കെ റീന ഉപഹാര സമര്‍പ്പണം നടത്തി.
പഞ്ചായത്തംഗങ്ങളായ ഷര്‍മിന കോമത്ത്, യൂസഫ് കോറോത്ത്, ബ്ലോക്ക് മെംബര്‍ ഇ. കുഞ്ഞിക്കണ്ണന്‍, കെ.കെ രാഘവന്‍, ടി.കെ.എ ലത്തീഫ്, കെ.പി രാമചന്ദ്രന്‍, പി. ബാലന്‍, മധു പുഴയരികത്ത്, ബാബു കൊളക്കണ്ടി, മേലാട്ട് നാരായണന്‍ സംസാരിച്ചു. വൈസ് പ്രസിഡന്റ് കെ.ടി രാജന്‍ സ്വാഗതം പറഞ്ഞു.