മാനന്തവാടി: മൈസൂരു- ഗുണ്ടല്‍പ്പേട്ട-സുല്‍ത്താന്‍ ബത്തേരി-കോഴിക്കോട് ദേശിയപാത 766ല്‍ ബന്ദിപ്പൂര്‍ കടുവ സങ്കേതത്തിലൂടെ ഇലവേറ്റഡ് ഹൈവേ നിര്‍മിക്കാനുള്ള നീക്കത്തിനെതിരേ പ്രതിഷേധം ശക്തം.
കര്‍ണാടകയിലെ വിവിധ പരിസ്ഥിതി സംഘടനകളുടെ നേതൃത്വത്തില്‍ ബന്ദിപ്പൂര്‍ കടവ സങ്കേതത്തിലെ മഥൂര്‍ ഫോറസ്റ്റ് ചെക്ക് പോസ്റ്റിന് സമീപത്ത് സമരം സംഘടിപ്പിച്ചു. വിദ്യാര്‍ഥികളും പരിസ്ഥിതി പ്രവര്‍ത്തകരുമടക്കം നൂറ് കണക്കിന് പേര്‍ സമരത്തില്‍ പങ്കെടുത്തു. വനം നശിപ്പിച്ച് കൊണ്ട് രാത്രിയാത്ര ഉള്‍പ്പെടെ തിരിച്ച് കൊണ്ട് വരാനായി ഇലവേറ്റഡ് ഹൈവേ എന്ന ആശയം നടപ്പിലാക്കന്‍ പരിസ്ഥിതി പ്രവര്‍ത്തകരും വന്യജീവി പ്രേമികളും കോടതിയെ സമീപിക്കുമെന്ന് സമരത്തില്‍ പ്രഖ്യാപിച്ചു.നിരവധി സഞ്ചാരികളും സമരത്തില്‍ പങ്കെടുത്തു. രാവിലെ 10 മണിക്ക് തുടങ്ങിയ സമരം വൈകുന്നേരം 4 മണിക്ക് അവസാനിച്ചു.