പുല്‍പ്പള്ളി: ജൂലൈ മുതല്‍ രാജ്യത്ത് നടപ്പിലാക്കാന്‍ പോകുന്ന പുതിയ കേന്ദ്ര നിയമായ 'ഗുഡ്‌സ് സര്‍വിസ് ടാക്‌സ് (ജി.എസ്.ടി)' നിയമത്തിലെ വ്യാപാരി ദ്രോഹ നിര്‍ദേശങ്ങള്‍ പിന്‍വലിക്കണമെന്ന് വ്യപാരി വ്യവസായി ഏകോപന സമിതി ജില്ലാ പ്രസിഡന്റ് കെ.കെ വാസുദേവന്‍ ആവശ്യപ്പെട്ടു.
വാറ്റ് നിയമത്തില്‍ സംസ്ഥാന സര്‍ക്കാരിനെ ബോധ്യപ്പെടുത്തികൊണ്ടിരിക്കുന്ന അക്കൗണ്ടുകള്‍ ഇനി സംസ്ഥാനത്തിനും, കേന്ദ്രത്തിനും ബോധ്യപ്പെടുത്തി നികുതി പിരിച്ചുനല്‍കേണ്ട അവസ്ഥയാണുള്ളത്.
അതിലുപരി നിയമത്തിലെ 122 മുതല്‍ 132 വരെയുള്ള ചട്ടങ്ങള്‍ ചെറിയ തെറ്റുകള്‍ പോലും വ്യാപാരികള്‍ക്ക് വന്‍തുകയും പിഴയും, ജയില്‍ശിക്ഷയും നല്‍കണമെന്ന വ്യവസ്ഥ ചെയ്യപ്പെട്ടിരിക്കുന്നത് പുനപരിശോധിക്കണമെന്നും വാസുദേവന്‍ ആവശ്യപ്പെട്ടു. വ്യാപാരി വ്യവസായി ഏകോപന സമിതി പുല്‍പ്പള്ളി യൂനിറ്റിന്റെ വര്‍ഷിക പൊതുയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
യോഗത്തില്‍ വിജയന്‍ കുടിലില്‍ അധ്യക്ഷനായി.
നൗഷാദ്, ഇ.ടി ബാബു, സി.പി ജോയിക്കുട്ടി, പി.സി ടോമി, മത്തായി ആതിര, പി.സി ബേബി സംസാരിച്ചു. ഭാരവാഹികളായി മത്തായി ആതിര(പ്രസി), ജയകുമാര്‍ കൊട്ടാരം(ജ.സെക്ര), പി.സി ബേബി(ട്രഷ) തെരഞ്ഞെടുത്തു.