തൃശൂര്‍: തൃശൂര്‍ നഗരത്തില്‍ ആറിടങ്ങളില്‍ ബോംബ് സ്‌ഫോടനം നടക്കുമെന്ന് ഫോണ്‍ സന്ദേശം. ഇന്നലെ വൈകീട്ട് അഞ്ചരയോടെ തൃശൂര്‍ പൊലിസ് കണ്‍ട്രോള്‍ റൂമിലേക്കാണ് സന്ദേശമെത്തിയത്. ഇന്നലെ രാത്രി എട്ടു മുതല്‍ ഇന്നു രാവിലെ എട്ടുവരെയുള്ള സമയങ്ങളില്‍ സ്‌ഫോടനം നടക്കുമെന്നായിരുന്നു ഭീഷണി.
ജൂബിലി മിഷന്‍ ആശുപത്രി കോമ്പൗണ്ടിലെ കോയിന്‍ ബോക്‌സില്‍ നിന്നാണ് സന്ദേശമെത്തിയതെന്ന് അന്വേഷണത്തില്‍ വ്യക്തമായതായി പൊലിസ് പറഞ്ഞു.
 കോര്‍പറേഷന്‍ ഓഫിസ്, നഗരത്തിലെ ബസ് സ്റ്റാന്‍ഡുകള്‍, റെയില്‍വേ സ്റ്റേഷന്‍, മാര്‍ക്കറ്റുകള്‍ തുടങ്ങി ജനത്തിരക്കുള്ള സുപ്രധാന കേന്ദ്രങ്ങളില്‍ പൊലിസും, ബോംബ്‌ഡോഗ് സ്‌ക്വാഡുകളും രാത്രി വൈകിയും പരിശോധന നടത്തി.