പ്രാഗ്: സഊദി മാധ്യമപ്രവര്‍ത്തകന്‍ ജമാല്‍ കഷോഗിയുടെ വധത്തില്‍ സുതാര്യമായ അന്വേഷണമാവശ്യപ്പെട്ട് യു.എസ് പ്രതിരോധ സെക്രട്ടറി ജിം മാറ്റിസ്. സഊദി വിദേശകാര്യ മന്ത്രി ആദില്‍ അല്‍ ജുബൈറുമായി നടത്തിയ കൂടിക്കാഴ്ചയില്‍ ഇക്കാര്യം ആവശ്യപ്പെട്ടിട്ടുണ്ടെന്നും അദ്ദേഹം ഹേഗില്‍ വ്യക്തമാക്കി.
ബഹ്‌റൈനില്‍ ശനിയാഴ്ച സമാപിച്ച പശ്ചിമേഷ്യന്‍ രാജ്യങ്ങളുടെ സുരക്ഷാ സമ്മേളനത്തിലാണ് മാറ്റിസും ആദില്‍ ജുബൈറും തമ്മില്‍ കൂടിക്കാഴ്ച നടത്തിയത്. സമ്മേളനത്തില്‍ കഷോഗി വധത്തില്‍ മാറ്റിസ് സഊദിക്കെതിരേ രൂക്ഷവിമര്‍ശം നടത്തിയിരുന്നു. അന്വേഷണം സുതാര്യമായി മുന്നോട്ടുപോകുമെന്നു സഊദി വിദേശകാര്യ മന്ത്രി ഉറപ്പുനല്‍കിയതായും മാറ്റിസ് കൂട്ടിച്ചേര്‍ത്തു.