ഡല്‍ഹി ഉന്നത ബിജെപി നേതാവും മുന്‍കേന്ദ്ര മന്ത്രിയുമായ സ്വാമി ചിന്‍മയാനന്ദിനെതിരെ നിയമ വിദ്യാര്‍ഥിയെ ഒരു കൊല്ലത്തോളം പീഡിപിച്ച കേസില്‍ നിര്‍ണായക വഴിതിരിവ്. പീഡനത്തിന് ഇരയായ നിയമ വിദ്യാര്‍ഥി തന്റെ കണ്ണടയില്‍ ഘടിപ്പിച്ച ഒളിക്യാമറയില്‍ പതിഞ്ഞ ദ്യശ്യങ്ങള്‍ സുഹൃത്ത് വഴി പൊലിസിന് കൈമാറി.
ലോ കോളേജില്‍ പ്രവേശനാവിശ്യര്‍ഥം സ്വാമി ചിന്‍മയാനന്ദിനെ സമിപിച്ചിരുന്നു, വിദ്യാര്‍ഥിനിക്ക് ലൈബ്രറിയില്‍ ജോലി നല്‍കിയ ശേഷം കുളിക്കുന്ന ദൃശ്യങ്ങള്‍ ക്യാമറയില്‍ പകര്‍ത്തി അത് കാണിച്ച് ബ്ലാക്ക് മെയില്‍ ചെയ്തായിരുന്നു പീഡനം. പീഡനം തുടര്‍ന്നപ്പോഴാണ് പെണ്‍കുട്ടി കണ്ണടയില്‍ ഘടിപ്പിച്ച ഒളിക്യാമറയില്‍ പതിഞ്ഞ ദ്യശ്യങ്ങള്‍ പകര്‍ത്തിയത്. ഇത് നിര്‍ണായക തെളിവാകുമെന്നാണ് കരുതപ്പെടുന്നത്. മുന്‍പ് വാജ്‌പോയി മന്ത്രി സഭയില്‍ കേന്ദ്രമന്ത്രിയായിരുന്ന സ്വാമി ചിന്‍മയാനന്ദ് ബിജെപിയുടെ ഉന്നതനായ നേതാവാണ്.