കോഴിക്കോട്: നമുക്ക് നഷ്ടമായിക്കൊണ്ടിരിക്കന്ന ജനാധിപത്യ ചിന്തകളെ തിരിച്ചുപിടിക്കാനുള്ള ഇടമാണ് ചലച്ചിത്രമേളകളെന്ന് ചലച്ചിത്ര അക്കാദമി ജനറല്‍ കൗണ്‍സില്‍ അംഗം മധു ജനാര്‍ദനന്‍ പറഞ്ഞു. കാലിക്കറ്റ് പ്രസ്‌ക്ലബ് ഫിലിം സൊസൈറ്റി 'അതിജീവനം' ചലച്ചിത്രമേള ഉദ്ഘാടനം ചെയ്യുകയായിരന്നു അദ്ദേഹം.
ഫെഡറേഷന്‍ ഓഫ് ഫിലിം സൊസൈറ്റീസ് കേരള പ്രസിഡന്റ് ചെലവൂര്‍ വേണു മുഖ്യപ്രഭാഷണം നടത്തി. പത്രപ്രവര്‍ത്തക യൂനിയന്‍ സംസ്ഥാന പ്രസിഡന്റ് കമാല്‍ വരദൂര്‍ അധ്യക്ഷനായി. പി. പ്രേംചന്ദ്, നവീന സുഭാഷ്, സി.പി.എം സഈദ് അഹമ്മദ് സംസാരിച്ചു. പ്രസ്‌ക്ലബ് സെക്രട്ടറി പി. വിപുല്‍നാഥ് സ്വാഗതവും ചലച്ചിത്രമേള കണ്‍വീനര്‍ എ.വി ഫര്‍ദിസ് നന്ദിയും പറഞ്ഞു.
പത്രപ്രവര്‍ത്തക യൂനിയന്‍ 55-ാം സംസ്ഥാന സമ്മേളനത്തിന്റെ ഭാഗമായി ചലച്ചിത്ര അക്കാദമിയുമായി സഹകരിച്ചാണു മേള സംഘടിപ്പിക്കുന്നത്. ഇന്ന് ഫ്രാന്ദ്രേ (മറാത്തി), ദ സര്‍വൈവലിസ്റ്റ് (ഇംഗ്ലിഷ്), ദ സെയില്‍സ്‌മെന്‍ (ഇറാന്‍) എന്നീ ചലച്ചിത്രങ്ങള്‍ ഉച്ചയ്ക്ക് രണ്ടുമുതല്‍ പ്രസ്‌ക്ലബ് ഹാളില്‍ പ്രദര്‍ശിപ്പിക്കും. പ്രവേശനം സൗജന്യമാണ്.