ശാസ്താംകോട്ട: കല്ലടയാറിന്റെ വിവിധ ഭാഗങ്ങളില്‍ മണലൂറ്റു വ്യാപകമായി. കുന്നത്തൂര്‍ പഞ്ചായത്തിലെ പല്ലക്കാട്ട് ,പള്ളിക്കല്‍ ചാലായത്ത്,കുണ്ടന്‍ കടവ് ,ചീക്കല്‍ കടവ് ,എന്നി പ്രദേശങ്ങളിലാണ് മണലൂറ്റ് നടക്കുന്നത്.
രാത്രികാലങ്ങളില്‍ വലിയ വള്ളത്തില്‍ മോട്ടോര്‍ ഘടിപ്പിച്ചാണ് മാഫിയ സംഘം തൊഴിലാളികളെക്കൊണ്ട് മണല്‍ ശേഖരിക്കുന്നത്. ലോഡ് ഒന്നിന് 25000 മുതല്‍ 30000 രൂപ വരെയാണ് വാങ്ങുന്നത്. പൊലിസ്,റവന്യു ഉദ്യോഗസ്ഥര്‍ ആരെങ്കിലും എത്തിയാല്‍ വള്ളം വെള്ളത്തില്‍ മുക്കി തൊഴിലാളികള്‍ രക്ഷപ്പെടും.
ആറ്റിന്റെ തീരം വരെ ഇടിച്ചു മണല്‍ കടത്തുകയാണ് ഇവര്‍. ആരെങ്കിലും ഒറ്റുകൊടുത്താല്‍ അവരെ തെരഞ്ഞുപിടിച്ചു ഗുണ്ടകള്‍ ആക്രമിക്കുന്നതും പതിവാണ്.