ചാവക്കാട് : ലഹരിമുക്ക് നാടായി ചാവക്കാടിനെ മാറ്റാന്‍ നഗരസഭയും പൊലീസും എക്‌സൈും ജനങ്ങളും ഒന്നിച്ച് കര്‍മ്മരംഗത്തേക്ക് . മേഖലയിലെ സ്‌ക്കൂളുകള്‍ , മെഡിക്കല്‍ഷോപ്പുകള്‍ , ബസ് ജീവനക്കാര്‍ ,പാരലല്‍ കോളെജ് , കുട്ടികള്‍ കൂടുതലുള്ള ട്യൂഷന്‍സെന്ററുകള്‍ തുടങ്ങിയ വിഭാഗങ്ങളും ലഹരി മുക്ത ചാവക്കാടിന് ( വിമുക്തി ) പിന്തുണ നല്‍കും .
ചാവക്കാട് നഗരസഭ കോണ്‍ഫ്രന്‍സ് ഹാളില്‍ ചേര്‍ന്ന വിപുലമായ യോഗം കര്‍മ്മ പദ്ധതികള്‍ക്ക് രൂപം നല്‍കി . നഗരസഭയില്‍ വാര്‍ഡുകള്‍ തോറും എല്ലാ വിഭാഗക്കാരെയും ഉള്‍പ്പെടുത്തി ജാഗ്രതസമിതികളുണ്ടാക്കും . കുടുംബശ്രീ , അംഗന്‍വാടി പ്രവര്‍ത്തകര്‍ നേത്യത്വം നല്‍കും , സ്‌ക്കൂളുകളില്‍ പി ടി എ കമ്മിറ്റികളില്‍ ലഹരിവിരുദ്ധ പ്രവര്‍ത്തനങ്ങള്‍ക്കായി പ്രത്യേക കമ്മിറ്റികളുണ്ടാകും .
ഓരോ വിഭാഗത്തില്‍പ്പെട്ടര്‍ക്ക് പ്രത്യേകം പരിശീലനം നല്‍കു . ലഹരിഉല്‍പ്പന്നങ്ങള്‍ ഉറവിടത്തില്‍ തടയുന്നതിന് പോലീസും , എക്‌സൈസും പരിശോധന കര്‍ശനമാക്കും , അന്യസംസ്ഥാന തൊഴിലാളികള്‍ തമ്പടിക്കുന്ന സ്ഥലങ്ങള്‍ , സ്‌ക്കൂള്‍ പരിസരങ്ങള്‍ , ബസ്‌സ്റ്റാന്റ്, പണിത്തീരാതെ കിടക്കുന്ന വീടുകള്‍ , തുടങ്ങിയ സ്ഥലങ്ങളില്‍ പോലീസ് നിരീക്ഷണം ശക്തമാക്കും . പ്രൈമറി സ്‌ക്കൂളുകളെ കൂടി ബോധവല്‍ക്കരണപരിപാടികളില്‍ പങ്കാളികളാക്കും.
ലഹരിവസ്തുക്കളുമായി പിടിയിലാകുന്നവര്‍ക്ക് പരമാവധി ശിക്ഷലഭിക്കാവുന്ന നിയമനടപടി സ്വീകരിക്കും . ലഹരിമരുന്നു കേസുകളില്‍ കുടുങ്ങുന്നവര്‍ ലളിതമായി പുറത്തിറങ്ങി വീണ്ടും ലഹരി ഇടപാടുകള്‍ നടത്തുന്ന അവസ്ഥ ഇല്ലാതാക്കും. , വീടുകളിലും , കച്ചവടസ്ഥാപനങ്ങളിലും , പൊതുസ്ഥാപനങ്ങളിലും ലഹരിവിരുദ്ധ സന്ദേശങ്ങളുള്ള സ്റ്റിക്കറുകള്‍ വ്യാപകമായി പതിക്കും . .ചാവക്കാട് നഗരസഭ ചെയര്‍മാന്‍ എന്‍ കെ അക്ബര്‍ യോഗം ഉദ്ഘാടനം ചെയ്തു . ചാവക്കാട് സി ഐ കെ ജി സുരേഷ് അധ്യക്ഷനായി.
ചാവക്കാട് അഡീഷണല്‍ എസ് ഐ കെ വി വനില്‍കുമാര്‍ , മണത്തല ഗവ. സ്‌ക്കൂള്‍ പ്രിന്‍സിപ്പാള്‍ പി പി മറിയകുട്ടി , പ്രധാന അധ്യാപകന്‍ കെ വി അനില്‍ കുമാര്‍ , പാലയൂര്‍ സെന്റ് തോമസ് എല്‍ പി സ്‌ക്കൂള്‍ പ്രധാന അധ്യാപകന്‍ കെ പി പോളി ,നഗരസഭ സ്റ്റാന്റിംഗ് കമ്മിറ്റി ചെയര്‍മാന്‍മാരായ എ സി ആനന്ദന്‍ , എം ബി രാജലക്ഷ്മി , എ എച്ച് അക്ബര്‍ , കെ കെ കാര്‍ത്ത്യായനി കൗണ്‍സിലര്‍മാരായ ടി എ ഹാരീസ് , കെ എസ് ബാബുരാജ് , സി ഡി എസ് ചെയര്‍മാന്‍ പ്രസന്ന രണദിവെ ,അംഗന്‍വാടി അധ്യാപിക രാധ ,,പൊതുപ്രവര്‍ത്തകരായ പി കെ സെയ്താലികുട്ടി , ലാസര്‍ പേരകം ,എന്നിവര്‍ പ്രസംഗിച്ചു . എക്‌സൈസ് പ്രിവന്‍ന്റീവ് ഓഫീസര്‍ പി എല്‍ ജോസ് ക്‌ളാസെടുത്തു.