താനൂര്‍: ഗൃഹനാഥന് നേരെ കൊലപാതകശ്രമം. നാക്കാവ് പള്ളിക്ക് സമീപം പുതിയ വീട്ടില്‍ ഷരീഫിന് നേരെയാണ് കൊലപാതകശ്രമം നടന്നത്. ചെവ്വാഴ്ച പുലര്‍ച്ചെ 5.15ഓടെയാണ് സംഭവം.
വീട്ടില്‍നിന്നും പള്ളിയിലേക്ക് ഇറങ്ങിയ ഉടന്‍ ഹെല്‍മറ്റ് ധരിച്ചത്തിയ അജ്ഞാതന്‍ കഴുത്തിന് ലക്ഷ്യമാക്കി കത്തി വിശീയെങ്കിലും ഒഴിഞ്ഞ് മാറിയതിനാല്‍ രക്ഷപ്പെടുകയായിരുന്നു. ഹെല്‍മറ്റും കോട്ടും ധരിച്ചാണ് അക്രമി എത്തിയത്. ശബ്ദമുണ്ടാക്കിയതോടെ ഇയാള്‍ രക്ഷപെടുകയായിരുന്നു. കൊലപാതക ശ്രമത്തിന്റെ ദൃശ്യങ്ങള്‍ സി.സി.ടി.വി കാമറയില്‍ പതിഞ്ഞിട്ടുണ്ട്. കഴിഞ്ഞ ദിവസവും ഇയാള്‍ വീടിന്റെ പരിസരത്ത് വന്നതായി സി.സി.ടി.വി ദൃശ്യങ്ങളില്‍ കാണുന്നുണ്ട്
താനൂര്‍ ഐ.എം.ഐ ഷാജിയുടെ നേതൃത്വത്തില്‍ പൊലിസ് സ്ഥലതെത്തി അന്വേഷണം ആരംഭിച്ചു. വീട്ടിലെ സി.സി.ടി.വിയിലെ ദൃശ്യങ്ങള്‍ പൊലിസ് പരിശോധിച്ചു. കുടാതെ സമീപത്തെ കടകളിലെയും ടോള്‍ബൂത്തിലേയും സി.സി.ടി.വി ദൃശങ്ങള്‍ ാെപാലിസ് പരിശോധിച്ചു. സംഭവത്തില്‍ അന്വേഷണം ഊര്‍ജിതമാക്കിയതായി സി.ഐ എം.ഐ ഷാജി പറഞ്ഞു.