മാനന്തവാടി: ആരോഗ്യവകുപ്പിന്റെ നേതൃത്വത്തില്‍ ലോക രക്തദാന ദിനത്തിന്റെ ജില്ലാതല ഉദ്ഘാടനവും രക്തദാതാക്കളെ ആദരിക്കലും ഇന്ന് മാനന്തവാടി ന്യൂമാന്‍സ് കോളജില്‍ നടക്കും.
രാവിലെ 10ന് നടക്കുന്ന പരിപാടി ജില്ലാ പഞ്ചായത്ത് പ്രസിഡന്റ് ടി. ഉഷാകുമാരി ഉദ്ഘാടനം ചെയ്യും.
ചടങ്ങില്‍ നഗരസഭാ ചെയര്‍മാന്‍ വി.ആര്‍ പ്രവീജ് അധ്യക്ഷനാകും. ജില്ലാ മെഡിക്കല്‍ ഓഫിസര്‍ ഡോ. ആര്‍, വിവേക് കുമാര്‍ മുഖ്യപ്രഭാഷണം നടത്തും. ദാതാക്കളുടെ ഡയറക്ടറി ജോയിന്റ് സൂപ്രണ്ട് ഓഫ് പൊലിസ് ജി. ജയദേവ് പ്രകാശനം ചെയ്യും. ബ്ലഡ് ഡോണേഴ്‌സ് ഫോറം പ്രസിഡന്റ് എം.പി ശശികുമാര്‍ രക്തദാന പ്രതിജ്ഞ ചൊല്ലികൊടുക്കും.
ആരോഗ്യ വകുപ്പ്, കേരള സംസ്ഥാന എയ്ഡ്‌സ് നിയന്ത്രണ സൊസൈറ്റി, ദേശീയ ആരോഗ്യ ദൗത്യം, ബ്ലഡ് ഡോണേഴ്‌സ് ഫോറം, ജനമൈത്രി പൊലിസ് എന്നിവര്‍ സംയുക്തമായാണ് ചടങ്ങ് സംഘടിപ്പിക്കുന്നത്. പരിപാടിയോടനുബന്ധിച്ച് 80 യുവാക്കള്‍ മാനന്തവാടി ജില്ലാ ആശുപത്രി ബ്ലഡ് ബാങ്കിലേക്ക് രക്തം ദാനം ചെയ്യും.