റിയാദ്: നവംബര്‍ അഞ്ചിന് അവധിക്കായി നാട്ടില്‍ പോകാനുള്ള തയ്യാറെടുപ്പിനിടെ മലയാളി സഊദിയില്‍ മരിച്ചു. തിരുവനന്തപുരം കൊയ്ത്തൂര്‍കോണം, ഖബറടി നഗര്‍ സ്വദേശി പൊട്ടിക്കാട്‌വിള വീട്ടില്‍ മുഹമ്മദ് റാഫി (47) ആണ് സഊദിയിലെ തായിഫില്‍ നിര്യാതനായത്. 22 വര്‍ഷമായി തായിഫ് ശഫയില്‍ കൃഷിത്തോട്ടത്തില്‍ ജോലി ചെയ്തു വരികയായിരുന്നു. കിംഗ് ഫൈസല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നടപടിക്രമങ്ങള്‍ പൂര്‍ത്തിയാക്കി തായിഫില്‍ മറവ് ചെയ്യുമെന്ന് ബന്ധുക്കള്‍ അറിയിച്ചു. പരേതനായ അബ്ദുല്‍ കരീമിന്റെയും നൂര്‍ജഹാന്റെയും മകനാണ്. ഭാര്യ: താജുന്നീസ. അല്‍ജസീറ, മുഹമ്മദ് ഹാഷിം എന്നിവരാണ് മക്കള്‍. മരുമകന്‍: അഫ്‌സല്‍.